ನವದೆಹಲಿ ಸುಮಾರು  ಹನ್ನೆರಡು ಮಹಿಳಾ ಪತ್ರಕರ್ತರು ಲೈಂಗಿಕ ದೌರ್ಜನ್ಯ ಮತ್ತು ಕಿರುಕುಳ ಆರೋಪ ಹೊತ್ತಿರುವ ಕೇಂದ್ರ ಸಚಿವ ಅಕ್ಬರ್ ಭಾನುವಾರ ಪತ್ರಿಕಾಗೋಷ್ಠಿ ನಡೆಸಿದ್ದು ತಮ್ಮ ಮೇಲಿನ ಆರೋಪಗಳೆಲ್ಲಾ "ಸುಳ್ಳು, ಆಧಾರರಹಿತ" ಎಂದಿದ್ದಾರೆ. ಅಲ್ಲದೆ ಈ ಸಂಬಂಧ ಕಾನೂನು ಹೋರಾಟಕ್ಕೆ ಸಹ ತಾವು ಸಿದ್ದ ಎಂದು ಘೋಷಿಸಿದ್ದಾರೆ.

ಕೆಲ ಸಮಯದಿಂದ ಸಾಕ್ಷಾಧಾರಗಳಿಲ್ಲದ ಆರೋಪಗಳೂ ವೈರಲ್ ಆಗುತ್ತಿದೆ.ಈಗ ನಾನು ವಿದೇಶದಿಂದ ಹಿಂತಿರುಗಿದ್ದೇನೆ. ನನ್ನ ವಕೀಲರು ಈ ಕುರಿತು ಸೂಕ್ತ ಕಾನೂನು ಕ್ರಮ ಕೈಗೊಲ್ಳುತ್ತಾರೆ.ಎಂದು ಅಕ್ಬರ್ ಹೇಳಿದರು. ಅಧಿಕೃತ  ನೈಜೀರಿಯಾ ಪ್ರವಾಸವನ್ನು ಅರ್ಧಕ್ಕೆ ಮೊಟಕುಗೊಳಿಸಿ ಅಕ್ಬರ್ ಭಾನುವಾರ ದೆಹಲಿಗೆ ಆಗಮಿಸಿದಾರೆ.

ಪತ್ರಿಕಾಗೋಷ್ಠಿಯಲ್ಲಿ ಹೇಳಿಕೆ ನಿಡಿರುವ ಸಚಿವರು ವಿರೋಧ ಪಕ್ಷಗಳ ಒತ್ತಡಕ್ಕೆ ಮಣಿದು ತಾವೇನಾದರೂ ರಾಜೀನಾಮೆ ಸಲ್ಲಿಸುತೇವೆಯೆ ಎನ್ನುವ ಕುರಿತು ಏನನ್ನೂ ಹೇಳಲಿಲ್ಲ.

"ಮಹಾಚುನಾವಣೆಗೆ ಕೆಲ ತಿಂಗಳಿರುವಾಗ ಈ ಮೀಟೂ ಅಭಿಯಾನ ತಾರಕಕ್ಕೇರಿರುವ ಹಿಂದೆ ಯಾವುದಾದರೂ ಅಜೆಂಡಾ ಇದೆಯೆ?ನೀವೇ ನ್ಯಾಯಾನ್ಯಾಯವನ್ನು ಪರಿಶೀಲಿಸಿ, ಈ ಸುಳ್ಳು, ಆಧಾರರಹಿತ ಆರೋಪಗಳಿಂದ ನನ್ನ ಖ್ಯಾತಿಗೆ ಮಸಿ ಬಳಿಯುವ ಪ್ರಯತ್ನ ನಡೆದಿದೆ

"ಸುಳ್ಳಿಗೆ ಕಾಲುಗಳಿಲ್ಲ ಆದರೆ ಅವು ವಿಷಕಾರಿಯಾಗಿರುತ್ತದೆ.ಅದನ್ನೊಂದು ಉನ್ಮಾದವೆಂಬಂತೆ ಕಾಣಲಾಗುತ್ತದೆ. ಇದರಿಂದ ಆಳವಾದ ನೋವು ಉಂಟಾಗುತ್ತದೆ.ನಾನು ಸರಿಯಾದ ಕಾನೂನು ಕ್ರಮ ತೆಗೆದುಕೊಳ್ಳುತ್ತಿದ್ದೇನೆ" ಎಂದು ಏಷ್ಯನ್ ಏಜ್ ನ ಮಾಜಿ ಸಂಪಾದಕ ಅಕ್ಬರ್ ನುಡಿದರು.