ನವದೆಹಲಿ: ಸಿಜೆಐ ರಂಜನ್ ಗೊಗೋಯ್ ವಿರುದ್ಧ ಕೇಳಿಬಂದಿರುವ ಲೈಂಗಿಕ ಕಿರುಕುಳ ಆರೋಪವನ್ನು ಫುಲ್ ಕೋರ್ಟ್ ( ಎಲ್ಲಾ ನ್ಯಾಯಮೂರ್ತಿಗಳು ಸೇರಿ ನಡೆಸುವ ಆಂತರಿಕ ಸಭೆ) ವಿಚಾರಣೆಗೊಳಪಡಿಸಬೇಕೆಂದು ಸುಪ್ರೀಂ ಕೋರ್ಟ್ ಬಾರ್ ಅಸೋಸಿಯೇಶನ್ (ಎಸ್ ಸಿಬಿಎ) ಹಾಗೂ ಸುಪ್ರೀಂ ಕೋರ್ಟ್ ನ ಅಡ್ವೊಕೇಟ್ಸ್ ಆನ್ ರೆಕಾರ್ಡ್ ಸಂಘಟನೆ ಒತ್ತಾಯಿಸಿದೆ.
ಸಿಜೆಐ ವಿರುದ್ಧ ಕೇಳಿಬಂದಿರುವ ಆರೋಪವನ್ನು ಸ್ವಯಂಪ್ರೇರಿತವಾಗಿ ಏ.20 ರಂದು ವಿಚಾರಾಣೆಗೆ ಕೈಗೆತ್ತಿಕೊಂಡಿರುವ ಕ್ರಮವನ್ನು ಈ ಎರಡೂ ಸಂಘಟನೆಗಳು ಅಪಸ್ವರವೆತ್ತಿವೆ.
ಮುಖ್ಯನ್ಯಾಯಾಧೀಶರ ವಿರುದ್ಧ ಆರೋಪ ಮಾಡಿರುವವರೂ ಸಹ ಸುಪ್ರೀಂ ಕೋರ್ಟ್ ನ ಮಾಜಿ ನೌಕರರಾಗಿರುವುದರಿಂದ ಸ್ಥಾಪಿತ ಕಾನೂನಿನ ಪ್ರಕ್ರಿಯೆಯಂತೆಯೇ ಈ ದೂರನ್ನು ಪರಿಗಣಿಸಿ ವಿಚಾರಣೆ ನಡೆಸಬೇಕೆಂದು ವಕೀಲರು ಪಟ್ಟು ಹಿಡಿದಿದ್ದಾರೆ.