ಪುಲ್ವಾಮ: ಪುಲ್ವಾಮದಲ್ಲಿ ಮತ್ತೊಂದು ಭಯೋತ್ಪಾದಕ ಕೃತ್ಯ ಜೂ.17 ರಂದು ನಡೆದಿದ್ದು, ಘಟನೆಯಲ್ಲಿ 9 ಮಂದಿ ಯೋಧರಿಗೆ ಗಾಯಗಳಾಗಿವೆ.
ಸೇನಾ ಕನ್ವಾಯ್ ನ್ನು ಗುರಿಯಾಗಿರಿಸಿಕೊಂಡು ಉಗ್ರರು ಈ ದಾಳಿ ನಡೆಸಿದ್ದು, ಸುಧಾರಿತ ಸ್ಫೋಟ ಸಾಧನವನ್ನು ಬಳಕೆ ಮಾಡಿದ್ದಾರೆ.
44 ರಾಷ್ಟ್ರೀಯ ರೈಫಲ್ಸ್ ನ ಗಸ್ತು ವಾಹನದ ಮೇಲೆ ಉಗ್ರರು ನಡೆಸಿರುವ ಈ ಕೃತ್ಯವನ್ನು ಸೇನೆ ದಾಳಿಯ ವಿಫಲ ಯತ್ನ ಎಂದು ಹೇಳಿದೆ.
ಸೇನಾ ತಂಡ ಸುರಕ್ಷಿತವಾಗಿದೆ. ಕೆಲವು ಸಣ್ಣ-ಪುಟ್ಟ ಗಾಯಗಳು ಸಂಭವಿಸಿದೆ, ಸ್ಫೋಟದಲ್ಲಿ ಗಾಯಗೊಂಡ ಸೈನಿಕರನ್ನು ಶ್ರೀನಗರದ ಸೇನಾ ನೆಲೆಯ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ.