ನವದೆಹಲಿ:ಕಾಂಗ್ರೆಸ್ ಹಿರಿಯ ಮುಖಂಡ ಹಾಗೂ ಸುಪ್ರೀಂಕೋರ್ಟ್ ವಕೀಲ ಕಪಿಲ್ ಸಿಬಲ್, ಅವರ ಪತ್ನಿ  ಪ್ರೋಮಿಳಾ ಸಿಬಲ್ ಹಾಗೂ ಅವರ ಕಂಪನಿ ಅನಾಲಾಗ್ ಮೀಡಿಯಾ ವಿರುದ್ಧ ಹಿರಿಯ ಪತ್ರಕರ್ತೆ ಬರ್ಖಾ ದತ್  ಪಾಟಿಯಾಲ ಹೌಸ್ ನ್ಯಾಯಾಲಯದ ಮೆಟ್ಟಿಲೇರಿದ್ದಾರೆ. 

ಇಂಗ್ಲಿಷ್ ನ್ಯೂಸ್ ಚಾನೆಲ್ ತಿರಂಗಾ ಟಿವಿ ಜುಲೈ ತಿಂಗಳಿನಿಂದ ಹಠಾತ್ ಸ್ಥಗಿತಗೊಂಡ ನಂತರ ಬಡ್ಡಿಯೊಂದಿಗೆ 74 ಲಕ್ಷ ರೂಪಾಯಿ ನೀಡಬೇಕೆಂದು ಅವರು  ಒತ್ತಾಯಿಸಿದ್ದಾರೆ. 

ಕಪಿಲ್ ಸಿಬಲ್ ಚಾನೆಲ್ ನ ಸಿಬ್ಬಂದಿಗೆ ವೇತನ ನೀಡಿಲ್ಲ,ನೌಕರ ಗುತ್ತಿಗೆ ಅವಧಿಯಲ್ಲಿ ಮಾಡಲಾಗಿರುವ ಭರವಸೆಗಳನ್ನು ಈಡೇರಿಸಿಲ್ಲ  ಎಂದು ಅವರು ಆರೋಪಿಸಿದ್ದಾರೆ. 

ಒಂದು ವರ್ಷಗಳ ಕಾಲ ತಿರಂಗಾ ಟಿವಿ ತನಗೆ ಹಾಗೂ ಇತರ ಹಿರಿಯ ಉದ್ಯೋಗಿಗಳಿಗೆ ಸಂಬಂಳ ನೀಡಿಲ್ಲ. ತಮಗೆ ಬಾಕಿ ಇರುವ ಸಂಬಳವನ್ನು ನೀಡಿ ಎಂದು ಕಪಿಲ್ ಸಿಬಲ್ ಅವರಿಗೆ ಇದಕ್ಕೂ ಮುನ್ನ ಟ್ವೀಟ್ ಮಾಡಿ ಬರ್ಖಾ ದತ್ ಮನವಿ ಮಾಡಿಕೊಂಡಿದ್ದರು.