ಲಖನೌ: ಉತ್ತರ ಪ್ರದೇಶದ ಭೂವಿಜ್ಞಾನ ಮತ್ತು ಗಣಿಗಾರಿಕೆ ಇಲಾಖೆ ಸೋನಭದ್ರದಲ್ಲಿ 3000 ಟನ್ ಚಿನ್ನದ ನಿಕ್ಷೇಪ ಪತ್ತೆಯಾಗಿದೆ ಎಂದು ಹೇಳಿದ ಬೆನ್ನಲ್ಲೇ ಭಾರತದ ಭೂವೈಜ್ಞಾನಿಕ ಸಮೀಕ್ಷೆ (ಜಿಎಸ್‌ಐ) ಸ್ಪಷ್ಟನೆ ನೀಡಿದ್ದು ಇಂತಹ ಯಾವುದೇ ನಿಕ್ಷೇಪ ಪತ್ತೆಯಾಗಿಲ್ಲ ಎಂದು ಹೇಳಿದೆ.

ಸೋನಾಭದ್ರದಲ್ಲಿ ಚಿನ್ನದ ನಿಕ್ಷೇಪ ಪತ್ತೆಯಾಗಿರುವ ಪ್ರದೇಶದಿಂದ ಗರಿಷ್ಠ ಎಂದರೆ 160 ಕೆ.ಜಿ ಚಿನ್ನವನ್ನಷ್ಟೇ ಹೊರಪಡೆಯಬಹುದಾಗಿದೆ ಎಂದು ಜಿಎಸ್ಐ ಹೇಳಿದೆ. 

ಚಿನ್ನದ ನಿಕ್ಷೇಪಕ್ಕಾಗಿ ಜಿಎಸ್ ಐ ಹುಡುಕಾಟ ನಡೆಸಿದೆ. ಆದರೆ ಉತ್ತರ ಪ್ರದೇಶದ ಸೋನಭದ್ರದಲ್ಲಿ ಜಿಲ್ಲಾ ಗಣಿಗಾರಿಕೆ ಇಲಾಖೆ ಹೇಳಿದಂತೆ 3000 ಟನ್ ಚಿನ್ನ ನಿಕ್ಷೇಪಗಳನ್ನು ಜಿಎಸ್ ಐ ಪತ್ತೆ ಮಾಡಿಲ್ಲ. ಅಲ್ಲಿ ಕಂಡು ಬಂದಿರುವ ಅದಿರಿನಿಂದ ಗರಿಷ್ಠ 160 ಕೆ.ಜಿ ಚಿನ್ನ ತೆಗೆಯಬಹುದಷ್ಟೇ ಎಂದು ಹೇಳಿದೆ.