ನವದೆಹಲಿ: ಕಳೆದ ರಾತ್ರಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ದಂಪತಿಗೆ ದೆಹಲಿಯ ರಾಷ್ಟ್ರಪತಿ ಭವನದಲ್ಲಿ ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ದಂಪತಿ ಅತಿಥಿಗಳಿಗೆ ಔತಣಕೂಟ ಏರ್ಪಡಿಸಿದ್ದರು.
ಔತಣಕೂಟದಲ್ಲಿ ಮೆನುಗಳ ಪಟ್ಟಿಯಲ್ಲಿ, ಸಸ್ಯಾಹಾರ ವಿಭಾಗದಲ್ಲಿ ಕಿತ್ತಳೆ ಹಣ್ಣಿನ ಮೇಲ್ಬಾಗ ಸಿಪ್ಪೆ ತೆಗೆದು ಮಾಡಿದ ತಿನಿಸು, ನಿಂಬೆಹಣ್ಣು ಮತ್ತು ಕೊತ್ತಂಬರಿ ಸೊಪ್ಪಿನ ಶರಬತ್ತು, ಭಾರತದ ಪ್ರಮುಖ ತಿನಿಸುಗಳಾದ ದಾಲ್ ರೈಸಿನಾ, ತರಕಾರಿಗಳಿಂದ ಸಿದ್ದಪಡಿಸಿದ ಡೆಗ್ ಕಿ ಬಿರಿಯಾನಿ, ಮಿಸ್ಸಿ ರೋಟಿ, ನಾನ್, ತಂದೂರಿ ರೋಟಿ, ಮೇಥಿ ಕುಲ್ಚಾ ಸೇರಿದಂತೆ ಸೂಪ್, ಸ್ನಾಕ್ಸ್ ಮತ್ತು ಹಣ್ಣುಗಳಿದ್ದವು.
ಇನ್ನು ಡೊನಾಲ್ಡ್ ಟ್ರಂಪ್ ಅವರು ಮಾಂಸಪ್ರಿಯರು, ಹೀಗಾಗಿ ಔತಣಕೂಟದಲ್ಲಿ ಮಾಂಸ ಖಾದ್ಯಗಳನ್ನು ಸಹ ಪ್ರತ್ಯೇಕವಾಗಿ ಇರಿಸಲಾಗಿತ್ತು. ಮಾಂಸಹಾರಕ್ಕೆ ಅಮೆರಿಕದ ತಿನಿಸಿನ ಸ್ಪರ್ಶವನ್ನು ಸಹ ನೀಡಿದ್ದು ವಿಶೇಷವಾಗಿತ್ತು. ದಮ್ ಗೋಶ್ತ್ ಬಿರಿಯಾನಿ, ನಾನ್, ತಂದೂರಿ ರೋಟಿಗಳಿದ್ದವು.