ಪಾಕಿಸ್ತಾನ ಮತ್ತೊಮ್ಮೆ ಜಾಗತಿಕವಾಗಿ ನಗೆಪಾಟಲಿಗೀಡಾಗಿದೆ. ಜಗತ್ತಿನ ಎದುರು ಪಾಕಿಸ್ತಾನದ ಸುಳ್ಳು ಪ್ರಚಾರ ಮತ್ತೊಮ್ಮೆ ಬಯಲಾಗಿದ್ದು ತನ್ನ ಸೇನೆ ಭಾರತಕ್ಕಿಂತ ಉತ್ತಮವಾಗಿದೆ ಎಂಬ ಗ್ರಹಿಕೆಯನ್ನು ಸೃಷ್ಟಿಸಲು ಹೋಗಿ ಫ್ರಾನ್ಸ್ ನೌಕಾಪಡೆ ಕೈಲಿ ಸಿಲುಕಿಕೊಂಡಿದೆ.

ತನ್ನ ಸೇನೆ ಭಾರತಕ್ಕಿಂತ ಉತ್ತಮವಾಗಿದೆ ಎಂಬ ಗ್ರಹಿಕೆಯನ್ನು ಸೃಷ್ಟಿಸಲು ಹೆಣಗಾಡುತ್ತಿರುವ ಪಾಕಿಸ್ತಾನಿ ಮಾಧ್ಯಮಗಳು, ಮೇ ನಲ್ಲಿ ನಡೆದ ಸಂಘರ್ಷವು ತಮ್ಮ ವಾಯು ಶ್ರೇಷ್ಠತೆಯನ್ನು ಪ್ರತಿಬಿಂಬಿಸುತ್ತದೆ ಎಂದು ಸುಳ್ಳು ಸುದ್ದಿಗಳನ್ನು ಪ್ರಕಟಿಸಿತ್ತು. ಫ್ರೆಂಚ್ ನೌಕಾಪಡೆಯು ಅವರ ಲೇಖನವನ್ನು ತಿರಸ್ಕರಿಸಿದೆ.

ವಿವಾದದ ಕೇಂದ್ರಬಿಂದು ಪಾಕಿಸ್ತಾನದ ಜಿಯೋ ಟಿವಿಯ ಲೇಖನವಾಗಿದ್ದು, ಆಪರೇಷನ್ ಸಿಂಧೂರ್ ಸಮಯದಲ್ಲಿ ಭಾರತೀಯ ರಫೇಲ್ ಯುದ್ಧ ವಿಮಾನಗಳನ್ನು ಹೊಡೆದುರುಳಿಸಲಾಯಿತು ಎಂದು ಫ್ರೆಂಚ್ ನೌಕಾ ಕಮಾಂಡರ್ ದೃಢಪಡಿಸಿದ್ದಾರೆ ಎಂದು ತಪ್ಪಾಗಿ ಉಲ್ಲೇಖಿಸಲಾಗಿತ್ತು.

ಲೇಖನದ ಪ್ರಕಾರ, ಲ್ಯಾಂಡಿವಿಸಿಯೌದಲ್ಲಿನ ನೌಕಾ ವಾಯುನೆಲೆಯ ಕಮಾಂಡರ್ ಕ್ಯಾಪ್ಟನ್ 'ಜಾಕ್ವೆಸ್' ಲೌನೆ, ಈ ಸಾಧನೆಗೆ ಪಾಕಿಸ್ತಾನದ ಸಂಘರ್ಷದ ಪರಿಸ್ಥಿತಿಯನ್ನು ನಿಭಾಯಿಸಿದ ರೀತಿ ಕಾರಣ ಎಂದು ಹೇಳಿದ್ದಾರೆ. ಅಂತರರಾಷ್ಟ್ರೀಯ ಇಂಡೋ-ಪೆಸಿಫಿಕ್ ಸಮ್ಮೇಳನದಲ್ಲಿ ಈ ಹೇಳಿಕೆಗಳನ್ನು ನೀಡಲಾಗಿದೆ ಎಂದು ಸುಳ್ಳುಗಳಿಂದ ಕೂಡಿದ ಲೇಖನ ಹೇಳಿದೆ.

ಈ ಹೇಳಿಕೆಗಳು ಸಂಪೂರ್ಣ ತಪ್ಪೆಂದು ತಿಳಿದುಬಂದಿದೆ. ಫ್ರೆಂಚ್ ಮಿಲಿಟರಿಯ ನೌಕಾ ವಿಭಾಗವಾದ ಮೆರೈನ್ ನ್ಯಾಷನಲ್ ಸುಳ್ಳುಗಳನ್ನು ಬಯಲು ಮಾಡಿದೆ. ಈ ವಿಭಾಗ ಲೇಖನದ ಸ್ಕ್ರೀನ್‌ಶಾಟ್ ನ್ನು ಹಂಚಿಕೊಂಡಿದ್ದು ಅದನ್ನು "FAKENEWS" ಎಂದು ಬ್ರಾಂಡ್ ಮಾಡಿದೆ.

"ಈ ಲೇಖನ ವ್ಯಾಪಕ ತಪ್ಪು ಮಾಹಿತಿ ಮತ್ತು ತಪ್ಪು ಮಾಹಿತಿಯನ್ನು ಒಳಗೊಂಡಿದೆ" ಎಂದು ಫ್ರೆಂಚ್ ನೌಕಾಪಡೆ ಹೇಳಿದೆ. ಕ್ಯಾಪ್ಟನ್ ಲೌನೆ ಲೇಖನದಲ್ಲಿ ಹೇಳಲಾದ ಹೇಳಿಕೆಯ ಯಾವುದೇ ರೀತಿಯ ಪ್ರಕಟಣೆಗೆ ಎಂದಿಗೂ ಒಪ್ಪಿಗೆ ನೀಡಿಲ್ಲ ಎಂದು ಪ್ರತಿಪಾದಿಸಿದೆ.

"ಆಪ್ ಸಿಂಧೂರ್ ಬಗ್ಗೆ ಕೇಳಿದಾಗ, ಕಮಾಂಡರ್ ಯಾವುದೇ ಭಾರತೀಯ ವಿಮಾನವನ್ನು ಹೊಡೆದುರುಳಿಸಲಾಗಿಲ್ಲ ಎಂದು ದೃಢಪಡಿಸಿಲ್ಲ ಅಥವಾ ನಿರಾಕರಿಸಿಲ್ಲ" ಎಂದು ಫ್ರೆಂಚ್ ನೌಕಾಪಡೆ ಹೇಳಿದೆ. "ಚೀನಾದ ವ್ಯವಸ್ಥೆಗಳಿಂದ ಭಾರತೀಯ ರಫೇಲ್ ಯುದ್ಧವಿಮಾನದ ಮೇಲೆ ಸಂಭವನೀಯ ಜ್ಯಾಮಿಂಗ್ ಬಗ್ಗೆ ಪ್ರತಿಕ್ರಿಯಿಸಲು ಅವರು ನಿರಾಕರಿಸಿದರು".

"ಲೇಖನದಲ್ಲಿ ಹೇಳಲಾಗಿರುವುದಕ್ಕೆ ವಿರುದ್ಧವಾಗಿ, ಕಮಾಂಡರ್ ಅವರ ಜವಾಬ್ದಾರಿಗಳು ಫ್ರೆಂಚ್ ರಫೇಲ್ ಮೆರೈನ್ ವಿಮಾನಗಳನ್ನು ಇರಿಸಲಾಗಿರುವ ನೌಕಾ ವಾಯುನೆಲೆಯ ಕಮಾಂಡಿಂಗ್‌ಗೆ ಸೀಮಿತವಾಗಿದೆ" ಎಂದು ಫ್ರೆಂಚ್ ನೌಕಾಪಡೆ ಹೇಳಿದೆ.

ಯುದ್ಧಭೂಮಿಯಲ್ಲಿ ಭಾರತೀಯ ಪಡೆಗಳನ್ನು ಎದುರಿಸಲು ಸಾಧ್ಯವಾಗದೆ, ಪಾಕಿಸ್ತಾನ ತನ್ನ ಸುಳ್ಳು ಪ್ರಚಾರವನ್ನು ತೀವ್ರಗೊಳಿಸಲು ಪ್ರಯತ್ನಿಸುತ್ತಿದೆ ಎಂಬುದು ಈಗ ಫ್ರಾನ್ಸ್ ನೌಕಾ ಪಡೆಯ ಹೇಳಿಕೆಗಳಿಂದ ತಿಳಿದುಬಂದಿದೆ.