ನವದೆಹಲಿ: ಇತ್ತೀಚೆಗೆ ಜನರಿಗೆ ರೀಲ್ಸ್ ಗೀಳು ಹೆಚ್ಚಾಗುತ್ತಿದ್ದು, ಅಪಾಯಕಾರಿ ಸ್ಥಳದಲ್ಲಿಯೂ ರೀಲ್ಸ್ ಮಾಡಿ ಪ್ರಾಣಕ್ಕೆ ಅಪಾಯ ತಂದುಕೊಳ್ಳುತ್ತಿದ್ದಾರೆ.

ಸಾಮಾಜಿಕ ಮಾಧ್ಯಮದಲ್ಲಿ ಹೆಚ್ಚು ವೀಕ್ಷಣೆಗಳನ್ನು ಗಳಿಸಲು ಹೆತ್ತ ತಂದೆಯೇ ತನ್ನ ಮಗುವಿಗೆ ಮೊದಲ ಮಹಡಿಯ ಬಾಲ್ಕನಿಯಿಂದ ಜಿಗಿಯುವಂತೆ ಪ್ರೇರೇಪಿಸಿದ ಘಟನೆ ನಡೆದಿದ್ದು, ಈ ದೃಶ್ಯ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದ್ದಂತೆ, ನೆಟ್ಟಿಗರು ಅಪ್ಪನ ಹುಚ್ಚಾಟಕ್ಕೆ ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

X ನಲ್ಲಿ ಪ್ರಸಾರವಾಗುತ್ತಿರುವ ಈ ಆಘಾತಕಾರಿ ವಿಡಿಯೋದಲ್ಲಿ, ಸುಮಾರು ಎರಡರಿಂದ ಮೂರು ವರ್ಷ ವಯಸ್ಸಿನ ಬಾಲಕ ಮೊದಲ ಮಹಡಿಯ ಬಾಲ್ಕನಿಯ ರೇಲಿಂಗ್ ಮೇಲೆ ನಿಂತ ಕೆಳಕ್ಕೆ ಜಿಗಿಯುತ್ತಾನೆ.

ಈ ಆಘಾತಕಾರಿ ದೃಶ್ಯದಲ್ಲಿ ಕೆಳಗೆ ನಿಂತಿರುವ ತಂದೆಯೂ ಕೆಳಕ್ಕೆ ಹಾರುವಂತೆ ಮಗುವಿಗೆ ಸನ್ನೆ ಮಾಡುತ್ತಾರೆ. ಮಗು ಮೇಲೆ ನಿಂತು ಚಪ್ಪಾಳೆ ತಟ್ಟುತ್ತಾ ಖುಷಿ ಯಿಂದಲೇ ಕೆಳಗೆ ಹಾರಿದೆ. ಆದರೆ ತಂದೆ ಮಗುವನ್ನು ಹಿಡಿಯಲು ಪ್ರಯತ್ನ ಮಾಡಿದರೂ ಆತನ ಕೈಯಿಂದ ಜಾರಿ ಕೆಳಗೆ ಬಿದ್ದಿದೆ. ಅಲ್ಲಿ ಹಾಸಿಗೆ ಹಾಕಿರುವುದರಿಂದ ಮಗುವಿಗೆ ಯಾವುದೇ ತೊಂದರೆಯಾಗಲಿಲ್ಲ.

"ರೀಲ್ಸ್ ಗಾಗಿ ಯಾವುದೇ ಹಂತಕ್ಕೂ ಹೋಗುವುದು. ಮೂರ್ಖತನ" ಎಂದು ಒಬ್ಬ ನೆಟ್ಟಿಗರು ವಿಡಿಯೋವನ್ನು ಹಂಚಿಕೊಂಡು ಟೀಕಿಸಿದ್ದಾರೆ.