ಪಾಟ್ನಾ: 'ಖಾನ್ ಸರ್' ಎಂದೇ ಜನಪ್ರಿಯವಾಗಿರುವ ಶಿಕ್ಷಕ ಫೈಸಲ್ ಖಾನ್ ಅವರ ಬಂಧನಕ್ಕೆ ಮಂಗಳವಾರ ಪಾಟ್ನಾ ನ್ಯಾಯಾಲಯವು ತಡೆ ನೀಡಿದೆ.
ವಾರದ ಹಿಂದೆ ಅವರ ಕೋಚಿಂಗ್ ಸಂಸ್ಥೆಯನ್ನು ಧ್ವಂಸಗೊಳಿಸಿದ ಹಿನ್ನೆಲೆಯಲ್ಲಿ ಅವರ ಭದ್ರತಾ ಸಿಬ್ಬಂದಿ ಗುಂಡು ಹಾರಿಸಿದ ಘಟನೆಗೆ ಸಂಬಂಧಿಸಿದ ಎಫ್ ಐಆರ್ ನಲ್ಲಿ 'ಖಾನ್ ಸರ್ ಹೆಸರಿದೆ.
ಮುಂದಿನ ಆದೇಶದವರೆಗೂ ಅವರನ್ನು ಬಂಧಿಸದಂತೆ ಮತ್ತು ಮುಂದಿನ ವಿಚಾರಣೆಯಲ್ಲಿ ಪ್ರಕರಣದ ಡೈರಿ ಮತ್ತಿತರ ಸಾಕ್ಷಿ ಪುರಾವೆಗಳನ್ನು ಹಾಜರುಪಡಿಸಲು ನ್ಯಾಯಾಲಯ ಆದೇಶಿಸಿದೆ ಎಂದು ಖಾನ್ ಸರ್ ಅವರ ವಕೀಲ ಅರವಿಂದ್ ಕುಮಾರ್ ಮೌರ್ ಸುದ್ದಿಗಾರರಿಗೆ ತಿಳಿಸಿದರು.
ಖಾನ್ ಸರ್ ಸೋಮವಾರ ನಿರೀಕ್ಷಣಾ ಜಾಮೀನು ಅರ್ಜಿ ಸಲ್ಲಿಸಿದ್ದರು. ಕಾನೂನಿನ ಪ್ರಕಾರ ಎಲ್ಲಾ ಸಂಗತಿಗಳನ್ನು ನ್ಯಾಯಾಲಯದ ಮುಂದೆ ಇಡಲಾಗಿದೆ. ಪ್ರಕರಣವನ್ನು ಪರಿಶೀಲಿಸಿದ ನಂತರ, ನ್ಯಾಯಾಲಯವು ಅಂತಿಮ ಆದೇಶವನ್ನು ನೀಡುವ ನಿರೀಕ್ಷೆಯಿದೆ. ಮುಂದಿನ ವಿಚಾರಣೆ ದಿನಾಂಕವನ್ನು ಇನ್ನೂ ನಿರ್ಧರಿಸಲಾಗಿಲ್ಲ ಎಂದು ಅವರು ಹೇಳಿದರು.
ಗುರುವಾರ ಪೊಲೀಸರು ವಶಕ್ಕೆ ಪಡೆದ ಇಬ್ಬರು ಭದ್ರತಾ ಸಿಬ್ಬಂದಿಗಳಿಗೆ ಸಂಬಂಧಿಸಿದ ಪೂರ್ವಾಪರಗಳನ್ನು ನ್ಯಾಯಾಲಯ ಕೇಳಿದೆ. ಅವರ ಪ್ರಕರಣವನ್ನು ನಾಳೆಗೆ ನಿಗದಿಪಡಿಸಲಾಗಿದೆ. ಪ್ರಕರಣದ ದಿನಚರಿಯನ್ನು ನ್ಯಾಯಾಲಯದ ಮುಂದೆ ಹಾಜರುಪಡಿಸಿದ ನಂತರ ವಿಚಾರಣೆ ನಡೆಯಲಿದೆ" ಎಂದು ವಕೀಲರು ಹೇಳಿದರು.