ವಾಷಿಂಗ್ಟನ್: ಅಮೆರಿಕ ಸಂಶೋಧಕರು ತಾವು ಸಂರಕ್ಷಿತ ಸ್ಥಿತಿಯಲ್ಲಿರುವ ಡೈನೋಸಾರ್(Oviraptorosaurs) ಭ್ರೂಣವನ್ನು ಪತ್ತೆ ಹಚ್ಚಿರುವುದಾಗಿ ತಿಳಿಸಿದ್ದಾರೆ.
6.6 ಕೋಟಿ ವರ್ಷಗಳ ಹಿಂದೆ ಹಕ್ಕಿ ಪ್ರಭೇದಕ್ಕೆ ಸೇರಿದ ಡೈನೋಸಾರ್ ಮೊಟ್ಟೆ ಇದಾಗಿದೆ. ದಕ್ಷಿಣ ಚೀನಾದ ಗಾಂಜೊ ಪ್ರಾಂತ್ಯದಲ್ಲಿ ಈ ಪಳೆಯುಳಿಕೆ ಸಂಶೋಧಕರಿಗೆ ಲಭ್ಯವಾಗಿದೆ.
ಇದುವರೆಗೂ ಸಿಕ್ಕ ಪಳೆಯುಳಿಕೆಗಳು ಕಾಲನ ಹೊಡೆತಕ್ಕೆ ಸಿಕ್ಕೋ, ಪ್ರಾಕೃತಿಕ ವಿಕೋಪಗಳಿಗೆ ತುತ್ತಾಗಿಯೋ ಘಾಸಿಗೊಂಡಿತ್ತು. ಇಷ್ಟೊಂದು ಸುಸ್ಥಿತಿಯಲ್ಲಿರುವ ಡೈನೊಸಾರ್ ಭ್ರೂಣ ಪತ್ತೆಯಾಗಿರುವುದು ಜಗತ್ತಿನಲ್ಲಿ ಇದೇ ಮೊದಲನೆಯದು ಎನ್ನಲಾಗಿದೆ. ಭ್ರೂಣದ ಅಳತೆ ಅಡಿಯಿಂದ ಮುಡಿಯವರೆಗೆ 27 ಸೆ.ಮೀ ಇದೆ.
ಇದನ್ನೂ ಓದಿ: ಕಾಲೆತ್ತಿ ನಾಟ್ಯವಾಡುವ ಕೊಟ್ಟಿಗೆಹಾರ ಕಪ್ಪೆಗೂ, ವಿದೇಶಿ ಬಾರ್ನಿಯಾ ಕಪ್ಪೆ ನಡುವಿನ ವ್ಯತ್ಯಾಸ: ಅಧ್ಯಯನದಿಂದ ಬಹಿರಂಗ