ನಾವು ಹೋಟೆಲ್ಗೆ ಹೋಗಿ ಅನ್ನ, ಸಾಂಬಾರ್ ತಿಂದ್ರೆ 40 ರಿಂದ 50 ರೂಪಾಯಿ ಪೇ ಮಾಡುತ್ತೇವೆ! ಆದರೆ ಜಗತ್ತಿನಲ್ಲಿ ಕೆಲವು ಆಹಾರಗಳಿವೆ, ಅವುಗಳ ಬೆಲೆ ಕೇಳಿದರೆ ತಲೆ ತಿರುಗುತ್ತದೆ. ರುಚಿಗಾಗಿ ಮಾತ್ರವಲ್ಲ, ಅಪರೂಪತೆ ಮತ್ತು ತಯಾರಿಕೆಯ ಕಾರಣದಿಂದ ಈ ಆಹಾರಗಳು ಭಾರೀ ಬೆಲೆ ಬಾಳುತ್ತವೆ. ಅದ್ರಂತೆ, ಜಗತ್ತಿನ ಅತ್ಯಂತ ದುಬಾರಿ ಆಹಾರಗಳ ಪಟ್ಟಿ ಇಲ್ಲಿದೆ.
ವಿಶ್ವದ ಅತ್ಯಂತ ದುಬಾರಿ ಹಣ್ಣು ಎಂದು ಪ್ರಸಿದ್ಧಿಯಾಗಿರುವ ಇದು, ಜಪಾನ್ನ ಹೊಕ್ಕೈಡೋ ದ್ವೀಪದಲ್ಲಿ ಅತ್ಯಂತ ಕಟ್ಟುನಿಟ್ಟಾದ ಹಸಿರುಮನೆಯ ವಾತಾವರಣದಲ್ಲಿ ಬೆಳೆಯಲಾಗುತ್ತದೆ. ಇದರ ಒಂದು ಜೋಡಿ ಹಣ್ಣುಗಳು ಹರಾಜಿನಲ್ಲಿ ಸುಮಾರು ₹15 ಲಕ್ಷದಿಂದ ₹35 ಲಕ್ಷದವರೆಗೆ ಮಾರಾಟವಾಗುತ್ತವೆ.
ಇದು ವಿಶ್ವದ ಅತ್ಯಂತ ದುಬಾರಿ ಆಹಾರ. ಇದು ಅತ್ಯಂತ ಅಪರೂಪದ 'ಆಲ್ಬಿನೋ ಸ್ಟರ್ಜನ್' ಎಂಬ ಮೀನಿನ ಮೊಟ್ಟೆ ಆಗಿದ್ದು, ಇದರ ಬೆಲೆ ಸುಮಾರು $25,000 ಅಂದಾಜು ₹20 ಲಕ್ಷ.
ಉತ್ತರ ಇಟಲಿಯಲ್ಲಿ ಬೆಳೆಯುವ ಒಂದು ವಿಶೇಷ ರೀತಿಯ ಮಶ್ರೂಮ್ (ಅಣಬೆ) ಇದು. ಇದನ್ನು ತರಬೇತಿ ಪಡೆದ ನಾಯಿಗಳ ಸಹಾಯದಿಂದ ಹುಡುಕಲಾಗುತ್ತದೆ. ಇದರ ಬೆಲೆ ಕೆಜಿಗೆ ₹2.5 ಲಕ್ಷಕ್ಕಿಂತಲೂ ಹೆಚ್ಚು.
'ಕೆಂಪು ಚಿನ್ನ' ಎಂದೇ ಕರೆಯಲ್ಪಡುವ ಇದು ವಿಶ್ವದ ಅತ್ಯಂತ ದುಬಾರಿ ಮಸಾಲೆ ಪದಾರ್ಥ. 1 ಕೆಜಿ ಕೇಸರಿ ಪಡೆಯಲು ಸುಮಾರು 75,000 ಹೂವುಗಳನ್ನು ಕೈಯಿಂದ ಕೊಯ್ಲು ಮಾಡಬೇಕು. ಹಾಗಾಗಿಯೇ ಇದರ ಬೆಲೆ ಕೆಜಿಗೆ ₹3 ಲಕ್ಷದವರೆಗೂ ಇರುತ್ತದೆ.
ಇಂಡೋನೇಷ್ಯಾದಲ್ಲಿ ಸಿಗುವ ಈ ಕಾಫಿಯು ಅತ್ಯಂತ ದುಬಾರಿ. ಸಿವೆಟ್ ಎಂಬ ಬೆಕ್ಕು ತಿಂದ ಕಾಫಿ ಬೀಜಗಳನ್ನು, ಅದರ ಹಿಕ್ಕೆಗಳಿಂದ ಸಂಗ್ರಹಿಸಿ ಇದನ್ನು ತಯಾರಿಸಲಾಗುತ್ತದೆ. ಅದರಂತೆ, 1 ಕೆ.ಜಿ.ಗೆ 1 ಲಕ್ಷ ರೂಪಾಯಿಗೂ ಹೆಚ್ಚು ಎನ್ನಲಾಗಿದೆ.
ನ್ಯೂಯಾರ್ಕ್ ನಗರದಲ್ಲಿ ಸಿಗುವ ವಿಶ್ವದ ಅತ್ಯಂತ ದುಬಾರಿ ಐಸ್ಕ್ರೀಮ್ ಆಗಿದೆ. ಇದರ ಬೆಲೆ $1000 ಅಂದ್ರೆ ಸುಮಾರು ₹84,000 ಎನ್ನಲಾಗಿದ್ದು, ಇದನ್ನು 23 ಕ್ಯಾರೆಟ್ ಖಾದ್ಯ ಚಿನ್ನದ ಎಲೆಗಳೊಂದಿಗೆ ವಿಶ್ವದ ಅತ್ಯಂತ ಅಪರೂಪದ ಚಾಕೊಲೇಟ್ಗಳು, ಪ್ಯಾರಿಸ್ನಿಂದ ತಂದ ಕ್ಯಾಂಡಿ ಹಣ್ಣುಗಳನ್ನು ಸೇರಿಸಿ ಮಾಡಲಾಗುತ್ತದೆ.
ಜಪಾನ್ ದೇಶದ ಈ ಮಾಂಸವು ತನ್ನ ವಿಶೇಷವಾದ ರುಚಿಗೆ ಹೆಸರುವಾಸಿಯಾಗಿದೆ. ಹಸುವಿಗೆ ವಿಶೇಷ ಆಹಾರ ನೀಡಿ, ಸಂಗೀತವನ್ನು ಕೇಳಿಸಿ ಇದನ್ನು ಬೆಳೆಸಲಾಗುತ್ತದೆ. ಇದರ 1 ಕೆಜಿ ಮಾಂಸದ ಬೆಲೆ ₹20,000 ದಿಂದ ಆರಂಭವಾಗುತ್ತದೆ.