ದೇಶದ ಅತಿ ದೊಡ್ಡ ಕಾರು ತಯಾರಕ ಸಂಸ್ಥೆ ಮಾರುತಿ ಸುಜೂಕಿಯ ಆಲ್ಟೋ ಕಾರು ಸತತ 16 ನೇ ವರ್ಷ ಬೆಸ್ಟ್ ಸೆಲ್ಲಿಂಗ್ ಮಾಡಲ್ ಎನಿಸಿದೆ. 

ಈ ಬಗ್ಗೆ ಸಂಸ್ಥೆ ಮಾಹಿತಿ ನೀಡಿದ್ದು, ಎಂಟ್ರಿ ಲೆವೆಲ್ ಸಣ್ಣ ಕಾರುಗಳ ವಿಭಾಗದಲ್ಲಿ ಮಾರುತಿ ಸುಜೂಕಿಯ ಆಲ್ಟೋ ಕಾರು ಸತತ 16 ನೇ ವರ್ಷ ಬೆಸ್ಟ್ ಸೆಲ್ಲಿಂಗ್ ಮಾಡಲ್ ಆಗಿದ್ದು, ;2019-20 ನೇ ಸಾಲ್ಪಿನಲ್ಲಿ 1.48 ಲಕ್ಷ ಯುನಿಟ್ ಮಾರಾಟವಾಗಿದೆ ಎಂದು ತಿಳಿಸಿದೆ. 

2000 ದ ಸೆಪ್ಟೆಂಬರ್ ತಿಂಗಳಲ್ಲಿ ಆಲ್ಟೋ ಕಾರನ್ನು ಪರಿಚಯಿಸಲಾಗಿತ್ತು. 2004 ರಲ್ಲಿ ಮೊದಲ ಬಾರಿಗೆ ಆಲ್ಟೋ ಭಾರತದ ಬೆಸ್ಟ್ ಸೆಲ್ಲಿಂಗ್ ಮಾಡಲ್ ಆಗಿ ಹೊರಹೊಮ್ಮಿತ್ತು. 

ಆಲ್ಟೋ ಗೆ ಇರುವ ಬಲವಾದ ಗ್ರಾಹಕ ಬೇಸ್ ಈ ಬ್ರಾಂಡ್ ನಲ್ಲಿ ಸೂಕ್ತ ಸಮಯಕ್ಕೆ ಆದ ಬದಲಾವಣೆಗಳನ್ನು ಜನ ಮೆಚ್ಚಿದ್ದಾರೆ ಎಂಬುದಕ್ಕೆ ಸಾಕ್ಷಿ ಎಂದು ಎಂಎಸ್ಐ ನ ಕಾರ್ಯಕಾರಿ ನಿರ್ದೇಶಕ (ಮಾರುಕಟ್ಟೆ ಹಾಗೂ ಮಾರಾಟ ವಿಭಾಗ) ಅಭಿಪ್ರಾಯಪಟ್ಟಿದ್ದಾರೆ.