ಬೀಜಿಂಗ್: ಚೀನಾದಲ್ಲಿ ಅಸ್ತಿತ್ವದಲ್ಲಿದ್ದ ಒಂದೇ ಮಗು ನೀತಿಗೆ ಭಾನುವಾರ ಅಧಿಕೃತವಾಗಿ ವಿದಾಯ ಹೇಳಲಾಗಿದೆ. ವಿವಾಹಿತ ದಂಪತಿ ಇಬ್ಬರು ಮಕ್ಕಳನ್ನು ಹೊಂದಬಹುದು ಎನ್ನುವ ವಿಧೇಯಕವನ್ನು ಅಂಗೀಕಾರ ಮಾಡಲಾಗಿದೆ. 

ಚೀನಾ ಸಂಸತ್‍ನ ಪ್ರಮುಖ ಅಂಗವಾದ 159 ಸದಸ್ಯಬಲದ ನ್ಯಾಷನಲ್ ಪೀಪಲ್ಸ್ ಕಾಂಗ್ರೆಸ್ ಸ್ಟ್ಯಾಂಡಿಂಗ್ ಕಮಿಟಿಯು ಭಾನುವಾರ ಈ ಐತಿಹಾಸಿಕ ವಿಧೇಯಕವನ್ನು ಅಂಗೀಕರಿಸಿತು. ಒಂದೇ ಮಗು ನೀತಿಯನ್ನು ಸಡಿಲಗೊಳಿಸಿ ಅಕ್ಟೋಬರ್‍ನಲ್ಲಿ ಚೀನಾ ಸರ್ಕಾರ ಆದೇಶ ಹೊರಡಿಸಿತ್ತು. 

2016ರ ಜನವರಿ 1ರಿಂದ ಈ ನಿಯಮ ಜಾರಿಯಾಗಲಿದೆ. ಅದರಂತೆ, ಎಲ್ಲ ವಿವಾಹಿತ ದಂಪತಿಗಳಿಗೆ ಇಬ್ಬರು ಮಕ್ಕಳನ್ನು ಹೊಂದುವ ಅವಕಾಶವಿರುತ್ತದೆ. ಆದರೆ, ಅದಕ್ಕಿಂತ ಹೆಚ್ಚಿನ ಮಕ್ಕಳನ್ನು ಪಡೆಯುವಂತಿಲ್ಲ. ವೃದ್ಧರ ಸಂಖ್ಯೆ ಹೆಚ್ಚಾಗುತ್ತಿರುವ ಹಾಗೂ ಕೆಲಸ ಮಾಡಲು ಶಕ್ತರುಳ್ಳವರ ಸಂಖ್ಯೆ ಕಡಿಮೆಯಾದ ಹಿನ್ನೆಲೆಯಲ್ಲಿ ಚೀನಾ ತನ್ನ ಕಠಿಣ ನೀತಿಯನ್ನು ಸಡಿಲಗೊಳಿಸಲು ನಿರ್ಧರಿಸಿತ್ತು. 

ಚೀನಾದಲ್ಲಿ 1978ರಲ್ಲಿ ಈ ಒಂದೇ ಮಗು ನೀತಿ ಜಾರಿಗೆ ಬಂದಿತ್ತು. ಈ ನೀತಿ ಜಾರಿಯಾದ ಬಳಿಕ 400 ದಶಲಕ್ಷ ಜನಸಂಖ್ಯೆ ಯನ್ನು ಕಡಿಮೆ ಮಾಡುವಲ್ಲಿ ಯಶಸ್ವಿಯಾಗಿದ್ದೇವೆ ಹಾಗೂ ಚೀನಾದ ಆರ್ಥಿಕತೆಯೂ ಪ್ರಗತಿ ಕಂಡಿದೆ ಎಂದು ಸರ್ಕಾರ ಹೇಳಿ ಕೊಂಡಿತ್ತು. ಸದ್ಯ ಚೀನಾದಲ್ಲಿ 60 ವಯಸ್ಸು ದಾಟಿದವರ ಸಂಖ್ಯೆ 21.20 ಕೋಟಿಯಾಗಿದ್ದು, ಒಟ್ಟು ಜನಸಂಖ್ಯೆಯ ಶೇ.15.5ರಷ್ಟಿದ್ದಾರೆ. 

2030ರ ವೇಳೆಗೆ ಈ ಪ್ರಮಾಣ ಶೇ.18ರಷ್ಟಾಗಲಿದೆ ಎಂದು ವಿಶ್ವಸಂಸ್ಥೆ ಅಂದಾಜಿಸಿದೆ. ಉಗ್ರ ನಿಗ್ರಹ ಕಾನೂನಿಗೆ ಒಪ್ಪಿಗೆ: ಇದೇ ವೇಳೆ, ಚೀನಾವು ಮೊತ್ತ ಮೊದಲ ಬಾರಿಗೆ ಕಠಿಣವಾದ ಉಗ್ರ ನಿಗ್ರಹ ಕಾನೂನನ್ನು ಜಾರಿ ಮಾಡಿದೆ. ಅದರಂತೆ, ಸಾಗರೋ ತ್ತರ ಉಗ್ರ ನಿಗ್ರಹ ಕಾಯರ್Áಚ ರಣೆ ನಡೆಸುವ ಅವಕಾಶವೂ ಚೀನಾ ಸೇನೆಗೆ ಸಿಗಲಿದೆ.