ನವದೆಹಲಿ: ಸಾರ್ವಜನಿಕ ವೆಚ್ಚ ಕಡಿತ ಕ್ರಮವಾಗಿ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಗೃಹ ಸಚಿವಾಲಯದ 1.10 ಲಕ್ಷ ನೌಕರರಿಗೆ ಕೋಕ್ ನೀಡಿದ್ದಾರೆ. ಸಿಬ್ಬಂದಿ ಸಂಖ್ಯೆಯನ್ನು ಶೇ.10ರಷ್ಟು ಕುಗ್ಗಿಸುವ ಒಪ್ಪಂದಕ್ಕೆ ಸಹಿ ಹಾಕಿದ ಒಂದೇ ವಾರದಲ್ಲಿ ಈ ಕ್ರಮ ಕೈಗೊಂಡಿದ್ದಾರೆ.

ಪ್ರಸಕ್ತ ಆರ್ಥಿಕ ವರ್ಷದ ಮೊದಲ ತ್ರೈಮಾಸಿಕದಲ್ಲಿ ರಷ್ಯಾ ಜಿಡಿಪಿ 2.2ರಷ್ಟು ಕುಸಿದಿದೆ ಎಂದು ಐಎಂಎಪ್ ಎಚ್ಚರಿಸಿದ್ದು, ಚಾಲ್ತಿ ವರ್ಷದಲ್ಲಿ ಇದೇ ಸ್ಥಿತಿ ಮುಂದುವರಿದಲ್ಲಿ ಜಿಡಿಪಿ ದರ 3.8ರಷ್ಟು ಕುಸಿತ ಕಾಣಲಿದೆ ಎಂದಿದೆ.

ಕುಸಿಯುತ್ತಿರುವ ಇಂಧನ ದರ ಮತ್ತು ಆರ್ಥಿಕ ದಿಗ್ಬಂಧನದ ಪರಿಣಾಮವಾಗಿ ರಷ್ಯಾ ಇತ್ತೀಚಿನ ವರ್ಷಗಳಲ್ಲೇ ಭೀಕರ ಆರ್ಥಿಕ ಬಿಕ್ಕಟ್ಟಿಗೆ ಸಿಲುಕಿದೆ.