ದಕ್ಷಿಣಾ ಆಫ್ರಿಕಾ: ಕಳೆದ 15 ವರ್ಷಗಳಿಂದ ದಕ್ಷಿಣಾ ಆಫ್ರಿಕಾದಲ್ಲಿ ವ್ಯಾಪಾರ ಮಾಡಿಕೊಂಡಿದ್ದ ಭಾರತೀಯನನ್ನು ದರೋಡೆಕೋರರು ಹತ್ಯೆಗೈದಿರುವ ಘಟನೆ ವರದಿಯಾಗಿದೆ.

ಗುಜರಾತ್ ಮೂಲದ ಬೈರೆನ್ ಪಟೇಲ್ ಹತ್ಯೆಗೀಡಾದ ಭಾರತೀಯ. ಈತ ಕಳೆದ 15 ವರ್ಷಗಳಿಂದ ಈತ ದಕ್ಷಿಣಾ ಆಫ್ರಿಕಾದಲ್ಲಿ ಕಿರಾಣಿ ಅಂಗಡಿ ನಡೆಸುತ್ತಿದ್ದ. ಪ್ರತಿದಿನದಂತೆ ಮನೆಗೆ ಹೋಗಲು ಅಂಗಡಿಯನ್ನು ಮುಚ್ಚುವ ವೇಳೆ ಅಲ್ಲಿಗೆ ಬಂದ ಇಬ್ಬರು ದರೋಡೆಕೋರರು, ಅವನನ್ನು ಕಟ್ಟಿ ಹಾಕಿ ಆತನ ಬಳಿ ಇದ್ದ ಹಣವನ್ನು ಕಸಿದು, ನಂತರ ಚಾಕುವಿನಿಂದ ಆತನ ಕತ್ತಿಗೆ ಇರಿದು, ಪರಾರಿಯಾಗಿದ್ದಾರೆ.

ತಕ್ಷಣ ಸ್ಥಳೀಯರು ಆತನನ್ನು ಆಸ್ಪತ್ರೆಗೆ ದಾಖಲಿಸಿದರಾದರು, ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾನೆ ಎಂದು ಮೂಲಗಳು ತಿಳಿಸಿವೆ.

ಅಮೆರಿಕದಲ್ಲಿರುವ ಸಂಬಂಧಿಕರ ಮುಖಾಂತರ ಪಟೇಲ್ ಮೃತಪಟ್ಟಿರುವ ಬಗ್ಗೆ ಮಾಹಿತಿ ಬಂದಿದೆ. ಪಟೇಲ್ ಮೃತದೇಹವನ್ನು ಭಾರತಕ್ಕೆ ತರಲು ಸರ್ಕಾರ ಸಹಾಯ ಮಾಡಬೇಕು ಎಂದು ಪಟೇಲ್ ತಾಯಿ ಮನವಿ ಮಾಡಿಕೊಂಡಿದ್ದಾರೆ.