ಲಂಡನ್: ವಿಲಕ್ಷಣವಾದ ಘಟನೆಯೊಂದರಲ್ಲಿ ಪತಿಗೆ ವಿಚ್ಛೇದನ ನೀಡಿರುವ ಬ್ರಿಟನ್ ಮಹಿಳೆಯೊಬ್ಬರು ವಿಚ್ಛೇದನದ ಶುಲ್ಕ ಪಾವತಿ ಮಾಡಲು ಮದುವೆಯ ಉಡುಗೆಯನ್ನೇ ಮಾರಾಟ್ಟಕ್ಕೆ ಇಟ್ಟಿದ್ದಾರೆ.

ಸುಮಾರು 2,000 ಬ್ರಿಟಿಷ್ ಪೌಂಡ್ಸ್  ಮೌಲ್ಯದ ಉಡುಗೆಯನ್ನು ಇ-ಬೇನಲ್ಲಿ ಮಾರಾಟಕ್ಕಿಡಲಾಗಿದ್ದು, 500 ಬ್ರಿಟಿಷ್ ಪೌಂಡ್ಸ್ ನಿಂದ ಬಿಡ್ಡಿಂಗ್ ಪ್ರಾರಂಭಿಸಲಾಗಿದೆ. ತನ್ನ ಪತಿ ವಿವಾಹವಾದ 18 ತಿಂಗಳಲ್ಲೇ ತನ್ನನ್ನು ತೊರೆದಿದ್ದು ಬೇರೊಬ್ಬ ಮಹಿಳೆಯೊಂದಿಗೆ ವಾಸಿಸುವ ಮೂಲಕ ತನಗೆ ಮೋಸ ಮಾಡಿದ್ದಾರೆ ಎಂದು ಸಮಂತಾ ವ್ರಾಗ್ ಆರೋಪಿಸಿದ್ದಾರೆ.

ಸಮಂತಾ ಇ-ಬೇ ನಲ್ಲಿ ಮಾರಾಟಕ್ಕಿರುವ ಉಡುಗೆ ಬಗ್ಗೆ 12 ಜನರು ವಿಚಾರಿಸಿದ್ದಾರೆ ಆದರೆ ಈ ವರೆಗೂ ಯಾರೂ ಬಿಡ್ ಮಾಡಿಲ್ಲ. 2014 ರಲ್ಲಿ ಹೊಚ್ಚಹೊಸದಾಗಿದ್ದ ಉಡುಗೆಯನ್ನು 2000 ಬ್ರಿಟಿಷ್ ಪೌಂಡ್ಸ್ ವೆಚ್ಚವಾಗಿದೆ. ಈ ಉಡುಗೆ ನಿಮಗೆ ನನಗಿಂತಲೂ ಸಂತೋಷವನ್ನು ತರಬಲ್ಲದು ಎಂದು ಸಮಂತಾ ಇ-ಬೇ ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಈ ಉಡುಗೆ ಬಗ್ಗೆ ಹಾಗು ನನ್ನ ಪತಿಯ ಮೋಸದ ಬಗ್ಗೆ ಹೆಚ್ಚಿನ ಮಾಹಿತಿ ಬೇಕಾಗಿದ್ದಲ್ಲಿ ನನಗೆ ಕರೆ ಮಾಡಿ ಎಂದು ಸುಮಂತಾ ತಿಳಿಸಿದ್ದಾರೆ.