ವಲ್ಲಿಂಗ್ ಫೋರ್ಡ್: ಸಂಗೀತ ಕಾರ್ಯಕ್ರಮದ ನಂತರ ಅಮೆರಿಕದ ಕನೆಕ್ಟಿಕಟ್ ನ ಚಿತ್ರಮಂದಿರದ ಹೊರಗಡೆ ಶುಕ್ರವಾರ ತಡರಾತ್ರಿ ಶೂಟೌಟ್ ನಡೆದಿದ್ದು, ಘಟನೆಯಲ್ಲಿ ಇಬ್ಬರು ಮೃತಪಟ್ಟಿದ್ದಾರೆ ಮತ್ತು ಇಬ್ಬರು ಗಾಯಗೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ರ್ಯಾಪರ್ ಮೀಕ್ ಮಿಲ್ ಕಾರ್ಯಕ್ರಮದ ನಂತರ ಒಕ್ಡಾಲೆ ಚಿತ್ರಮಂದರಿದ ಹೊರಗಡೆ ದುಷ್ಕರ್ಮಿಯೊಬ್ಬ ಗುಂಡಿನ ದಾಳಿ ನಡೆಸಿದ್ದು, ಘಟನೆಯಲ್ಲಿ ಇಬ್ಬರು ಮೃತಪಟ್ಟಿದ್ದಾರೆ ಮತ್ತು ಇಬ್ಬರು ಗಾಯಗೊಂಡಿದ್ದು, ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ವಲ್ಲಿಂಗ್ ಫೋರ್ಡ್ ಪೊಲೀಸ್ ವಕ್ತಾರರು ತಿಳಿಸಿದ್ದಾರೆ.

ಪೊಲೀಸರು ಮೃತರ ಮತ್ತು ಗಾಯಾಳುಗಳ ಹೆಸರನ್ನು ಬಿಡುಗಡೆ ಮಾಡಿಲ್ಲ. ಅಲ್ಲದೆ ಈ ಸಂಬಂಧ ಇದುವರೆಗೂ ಯಾರನ್ನು ಬಂಧಿಸಿಲ್ಲ ಮತ್ತು ತಕ್ಷಣಕ್ಕೆ ಶಂಕಿತರ ಮಾಹಿತಿ ನೀಡಲು ನಿರಾಕರಿಸಿದ್ದಾರೆ.

ಒಕ್ಡಾಲೆ ಚಿತ್ರಮಂದರಿದ ಸಮೀಪದಲ್ಲೇ ಮೀಕ್ ಮಿಲ್ ಅವರ ಸಂಗೀತ ಕಾರ್ಯಕ್ರಮ ನಡೆಯುತ್ತಿತ್ತು. ಈ ಕಾರ್ಯಕ್ರಮ ಮುಗಿದ ತಕ್ಷಣವೇ ಶೂಟೌಟ್ ನಡೆದಿದೆ ಎಂದು ಲೆಫ್ಟಿನೆಂಟ್ ಚೆರಿಲ್ ಬ್ರಾಡ್ಲಿ ಅವರು ಹೇಳಿದ್ದಾರೆ.