ಬಾಗ್ದಾದ್: ಇರಾಕ್ ನಲ್ಲಿ ಉಗ್ರರ ದುಷ್ಕೃತ್ಯ ಮುಂದುವರೆದಿದ್ದು, ಪೊಲೀಸ್ ತರಬೇತಿ ಕೇಂದ್ರದ ಮೇಲೆ ದಾಳಿ ನಡೆದ ಆತ್ಮಾಹುತಿ ಬಾಂಬ್ ದಾಳಿಯಲ್ಲಿ 13 ಮಂದಿ ಧಾರುಣವಾಗಿ  ಸಾವನ್ನಪ್ಪಿದ್ದಾರೆ.

ಇರಾಕ್ ನ ಸಲಾಹುದ್ದಿನ್ ಪ್ರಾಂತ್ಯದಲ್ಲಿರುವ ಪೊಲೀಸ್ ತರಬೇತಿ ಕೇಂದ್ರದ ಮೇಲೆ ಈ ದಾಳಿ ನಡೆದಿದ್ದು, ಆತ್ಮಾಹುತಿ ಬಾಂಬರ್​ಗಳು 13 ಜನ ತರಬೇತಿಯಲ್ಲಿದ್ದ ಪೊಲೀಸರನ್ನು ಕೊಂದು  ಹಾಕಿದ್ದಾರೆ. ಘಟನೆಯಲ್ಲಿ ಇನ್ನೂ 22 ಮಂದಿ ಗಂಭೀರವಾಗಿ ಗಾಯಗೊಂಡಿದ್ದು, ಅವರನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.

ಶನಿವಾರ ರಾತ್ರಿ  ಬೆಲ್ಟ್ ಬಾಂಬ್​ಗಳನ್ನು ಕಟ್ಟಿಕೊಂಡಿದ್ದ 3 ಜನ ಉಗ್ರರು ಇರಾಕಿನ ಮುಖ್ಯ ವಾಯುನೆಲೆಗೆ ಏಕಾಏಕಿ ನುಸುಳಿ ತಮ್ಮನ್ನು ತಾವು ಸ್ಪೋಟಿಸಿಕೊಂಡಿದ್ದಾರೆ ಎಂದು ಖ್ಯಾತ  ಸುದ್ದಿಸಂಸ್ಥೆ ಭಾನುವಾರ ವರದಿ ಮಾಡಿದೆ. ಅಲ್ಲದೆ ಉಗ್ರರ ವಶದಲ್ಲಿರುವ ನೈನ್​ವೇ ಪ್ರಾಂತ್ಯವನ್ನು ಮರು ವಶಕ್ಕೆ ಪಡೆಯಲು ಇರಾಕ್ ಸರ್ಕಾರ ಪ್ರಯತ್ನಿಸಿತ್ತು. ಇದಕ್ಕಾಗಿ ಈ ಕ್ಯಾಂಪ್​ನಲ್ಲಿ  ಸಿದ್ಧತೆ ನಡೆಸಲಾಗುತ್ತಿತ್ತು. ಇದನ್ನು ತಡೆಯಲೆಂದೇ ಉಗ್ರರು ಈ ದಾಳಿ ನಡೆಸಿದ್ದಾರೆ ಎಂದು ವರದಿಗಳು ತಿಳಿಸಿವೆ.