ಕಾಬುಲ್: ಅಪ್ಘಾನಿಸ್ಥಾನದ ದಕ್ಷಿಣ ಪ್ರಾಂತ್ಯದಲ್ಲಿ ಅಪ್ಘಾನಿಸ್ಥಾನದ ಸೇನೆ ಕನಿಷ್ಠ ೪೯ ಸುಸಜ್ಜಿತ ಬಾಂಬ್ ಗಳನ್ನು ನಿಷ್ಕ್ರಿಯಗೊಳಿಸಿದೆ ಎಂದು ಸೇನೆ ಹೇಳಿಕೆಯಲ್ಲಿ ತಿಳಿಸಿದೆ.
"ಕಳೆದ ೨೪ ಘಂಟೆಗಳಲ್ಲಿ ಜಾಬುಲ್ ಮತ್ತು ಉರುಜ್ಬನ್ ಪ್ರಾಂತ್ಯಗಳಲ್ಲಿ ಸೇನೆ ೪೯ ಸುಸಜ್ಜಿನ ಸ್ಫೋಟಕಗಳನ್ನು ನಿಷ್ಕ್ರಿಯಗೊಳಿಸಿದೆ" ಎಂದು ಸೇನೆ ಹೇಳಿರುವುದಾಗಿ ಮಾಧ್ಯಮವೊಂದು ವರದಿ ಮಾಡಿದೆ.
"ಈ ದಾಳಿಯ ವೇಳೆಯಲ್ಲಿ ಮೀರ್ ಕಲಾಮ್ ಎಂಬ ಭಯೋತ್ಪಾದಕನನ್ನು ಬಂಧಿಸಲಾಗಿದೆ" ಎಂದು ಕೂಡ ಹೇಳಿಕೆ ತಿಳಿಸಿದೆ.
ಶಾಂತಿಯ ಶತ್ರುಗಳು ಮಾಡಿರುವ ಕೆಲಸ ಎಂದು ಹೇಳಿರುವ ಹೇಳಿಕೆಯಲ್ಲಿ, ತಾಲಿಬಾನ್ ಉಗ್ರರು ಹೆದ್ದಾರಿಗಳಲ್ಲಿ ಐ ಇ ಡಿ ಬಾಂಬ ಗಳನ್ನು ಸ್ಫೋಟಿಸಲು ಸಂಚು ಹಾಕಿದ್ದರು ಎಂದು ಸೇನೆ ತಿಳಿಸಿದೆ.
ಭದ್ರತಾ ಪಡೆಗಳನ್ನು ಗುರಿಯಾಗಿಸಿಕೊಳ್ಳಲು ತಾಲಿಬಾನ್ ಉಗ್ರಗಾಮಿ ಸಂಘಟನೆ ಐ ಇ ಡಿ ಗಳನ್ನು ಬಳಸಿಕೊಳ್ಳುತ್ತಿದೆ.
ದೇಶದಲ್ಲಿ ನಡೆದಿರುವ ಹಿಂಸಾಚಾರದಲ್ಲಿ ೨೦೧೫ ರಲ್ಲೇ ೩೪೫೦ ನಾಗರಿಕರು ಮೃತಪಟ್ಟಿದ್ದು, ೭೪೫೦ಕ್ಕೂ ಹೆಚ್ಚು ಜನ ಗಾಯಗೊಂಡಿದ್ದಾರೆ ಎಂದು ವಿಶ್ವಸಂಸ್ಥೆ ಬಿಡುಗಡೆ ಮಾಡಿರುವ ವರದಿ ಹೇಳಿದೆ.