ಇಸ್ಲಾಮಾಬಾದ್: ದಾಖಲೆಗಳು ಅಪೂರ್ಣವಾಗಿದ್ದವು ಎಂದು ಕನಿಷ್ಠ ೮೪ ಪಾಕಿಸ್ತಾನಿ ನಾಗರಿಕರನ್ನು ಸುಮಾರ್ ೮ ಘಂಟೆಗಳ ಕಾಲ ಮಾಸ್ಕೋ ವಿಮಾನನಿಲಾಣ್ದಲ್ಲಿ ರಶಿಯಾದ ಅಧಿಕಾರಿಗಳು ವಶಕ್ಕೆ ತೆಗೆದುಕೊಂಡಿದ್ದಾರೆ ಎಂದು ತಿಳಿದುಬಂದಿದೆ.
ಪ್ರದರ್ಶನವೊಂದಲ್ಲಿ ಪಾಲ್ಗೊಳ್ಳಲು ೧೫೦ ಜನ ಪಾಕಿಸ್ತಾನಿ ಉದ್ದಿಮೆದಾರರನ್ನು ಖಾಸಗಿ ಸಂಸ್ಥೆಯೊಂದು ರಷ್ಯಾಗೆ ಕರೆದೊಯ್ದಿತ್ತು. ಆದರೆ ಇವರಲ್ಲಿ ೮೪ ಜನರನ್ನು ಯಾವುದೇ ಕಾರಣ ಇಲ್ಲದೆ ವಶದಲಿಟ್ಟುಕೊಂಡಿದ್ದರು ಎಂದು ಎಕ್ಸ್ಪ್ರೆಸ್ ಟ್ರಿಬ್ಯೂನ್ ವರದಿ ಮಾಡಿದೆ.
ಯಾವುದೇ ಕಾರಣಗಳಿಲ್ಲದೆ ಒಂದು ಸಣ್ಣ ಕೊಠಡಿಯಲ್ಲಿ ಕೂಡಿಹಾಕಿದ ಜನರ ಗುಂಪಿನ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿದೆ.
"ಅಧಿಕಾರಿಗಳು ಕೆಲವು ಟರ್ಕಿಶ್ ನಾಗರಿಕರನ್ನು ಕೂಡ ವಶಪಡಿಸಿಕೊಂಡಿದ್ದರು, ಆದರೆ ಅವರನ್ನು ನಂತರ ಬಿಟ್ಟಿಬಿಡಲಾಯಿತು" ಎಂದು ವಿಡಿಯೋದಲ್ಲಿ ಒಬ್ಬ ವ್ಯಕ್ತಿ ತಿಳಿಸುತ್ತಾರೆ.
ಇವರ ಬಿಡುಗಡೆಗೆ ರಷ್ಯಾದ ಅಧಿಕಾರಿಗಳ ಜೊತೆಗೆ ಪಾಕಿಸ್ತಾನ ರಾಯಭಾರ ಕಚೇರಿ ಸಂಧಾನ ನಡೆಸುತ್ತಿದೆ ಎಂದು ರಷ್ಯಾದ ಪಾಕಿಸ್ತಾನ ರಾಯಭಾರಿ ಕ್ವಾಜಿ ಖೈಲುಲ್ಲಾ ತಿಳಿಸಿದ್ದಾರೆ.