ಪ್ಯೊಂಗ್ಯಾಂಗ್: ಫೇಸ್ ಬುಕ್, ಯೂಟ್ಯೂಬ್, ಟ್ವಿಟರ್ ಸೇರಿದಂತೆ ಮಾಹಿತಿ ನೀಡುವ ಇತರೆ ವೆಬ್ ಸೈಟ್ ಗಳನ್ನು ಸ್ಥಗಿತಗೊಳಿಸುವುದಾಗಿ ಉತ್ತರ ಕೋರಿಯಾ ಅಧಿಕೃತ ಪ್ರಕಟಣೆ ಹೊರಡಿಸಿದೆ.
ಅಂಚೆ ಮತ್ತು ದೂರಸಂಪರ್ಕ ಸಚಿವಾಲಯ ಈ ಪ್ರಕಟಣೆ ಹೊರಡಿಸಿದೆ. ಗಣತಂತ್ರ ವಿರೋಧಿ ಉದ್ದೇಶದ ವೆಬ್ ಸೈಟ್ ಗಳು, ಸೆಕ್ಸ್ ಮತ್ತು ಅಡಲ್ಟ್ ವೈಬ್ ಸೈಟ್, ಯೂಟ್ಯೂಬ್, ಫೇಸ್ ಬುಕ್, ಟ್ವಿಟರ್, ವಾಯ್ಸ್ ಆಫ್ ಅಮೆರಿಕಾ ಮತ್ತು ದಕ್ಷಿಣ ಕೋರಿಯನ್ ಮೀಡಿಯಾ ಸೈಟ್ಸ್ ಗಳನ್ನು ಕೆಲವು ತಿಂಗಳ ಕಾಲ ಸ್ಥಗಿತಗೊಳಿಸಲಾಗುವುದು ಎಂದು ತಿಳಿಸಿದೆ.
ಉತ್ತರಾ ಕೋರಿಯಾದಲ್ಲಿ ಕೆಲವರಿಗೆ ಮಾತ್ರ ಇಂಟರ್ ನೆಟ್ ವ್ಯವಸ್ಥೆಯನ್ನು ಒದಗಿಸಲಾಗಿದೆ. ಆದರೆ, ಅವರು ಸರ್ಕಾರ ಅನುಮತಿ ನೀಡಿರುವಂತಹ ವೆಬ್ ಸೈಟ್ ಗಳನ್ನು ಮಾತ್ರ ಉಪಯೋಗಿಸಬಹುದಾಗಿದೆ.