ಇಸ್ಲಾಮಾಬಾದ್: ಪಾಕಿಸ್ತಾನ ವಿಮಾನದಲ್ಲಿ ನಿಗದಿತ ಪ್ರಯಾಣಿಕರಿಗಿಂತ ಹೆಚ್ಚು ಪ್ರಯಾಣಿಕರನ್ನು ನಿಲ್ಲಿಸಿಕೊಂಡು ಕರೆದೊಯ್ದಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.
ಜನವರಿ 20ರಂದು ಬೋಯಿಂಗ್ 777 ವಿಮಾನ ಪಿಕೆ-743 ವಿಮಾನದಲ್ಲಿ ಕರಾಚಿಯಿಂದ ಮದಿನಾವರೆಗೆ ಅಂದರೆ ಮೂರು ಗಂಟೆ ಕಾಲ 7 ಮಂದಿ ಪ್ರಯಾಣಿಕರನ್ನು ನಿಲ್ಲಿಸಿಕೊಂಡೆ ಕರೆದೊಯ್ಯಲಾಗಿದೆ.
ಈ ವಿಮಾನದಲ್ಲಿ 409 ಮಂದಿ(ಜಂಪಿಂಗ್ ಸೀಟುಗಳು ಸೇರಿ) ಸಾಮರ್ಥ್ಯ ಹೊಂದಿದ್ದು 416 ಪ್ರಯಾಣಿಕರನ್ನು ಕರಾಚಿಯಿಂದ ಮದಿನಾಗೆ ಕರೆದೊಯ್ಯಲಾಗಿದೆ. ಈ ಹೆಚ್ಚುವರಿ ಪ್ರಯಾಣಿಕರಿಗೆ ನಕಲಿ ಟಿಕೆಟ್ ನೀಡಲಾಗಿದೆ.
ಈ ಪ್ರಕರಣ ಕುರಿತಂತೆ ಪಾಕಿಸ್ತಾನ ಏರ್ ಲೈನ್ಸ್ ನ ಅಧಿಕಾರಿಗಳು ತನಿಖೆ ನಡೆಸುತ್ತಿದ್ದಾರೆ.