ನವದೆಹಲಿ: ಇದೇ 20ರಂದು ಅಮೆರಿಕದ 45ನೇ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಳ್ಳಲಿರುವ ಡೊನಾಲ್ಡ್ ಟ್ರಂಪ್ ಅವರ ಪದವಿ ಸ್ವೀಕಾರ ಸಮಾರಂಭದಲ್ಲಿ ಅನೇಕ ಬಾಲಿವುಡ್ ನಟ-ನಟಿಯರು ಕಾರ್ಯಕ್ರಮ ನೀಡಲಿದ್ದಾರೆ ಎಂದು ರಿಪಬ್ಲಿಕನ್ ಹಿಂದೂ ಸಮ್ಮಿಶ್ರ ಭಾರತದ ರಾಯಭಾರಿ ಮತ್ತು ಡೊನಾಲ್ಡ್ ಟ್ರಂಪ್ ಅವರ ಬೆಂಬಲಗಾರ್ತಿ ಮನಸ್ವಿ ಮಂಮ್ಗೈ ತಿಳಿಸಿದ್ದಾರೆ.

ಜನವರಿ 20ರಂದು ವಾಷಿಂಗ್ಟನ್ ನಲ್ಲಿ ನಡೆಯಲಿರುವ ವರ್ಣರಂಜಿತ ಸಮಾರಂಭದಲ್ಲಿ ನೀವು ಬಾಲಿವುಡ್ ನ ಖ್ಯಾತ ನಟ, ನಟಿಯರು, ಅವರ ಮನರಂಜನೆಯನ್ನು ಸವಿಯಬಹುದು ಎಂದು ನಟಿ ಹಾಗೂ ಮಾಜಿ ಮಿಸ್ ಇಂಡಿಯಾ ಮನಸ್ವಿ ಮಂಮ್ಗೈ ಎಎನ್ಐ ಸುದ್ದಿಸಂಸ್ಥೆಗೆ ತಿಳಿಸಿದ್ದಾರೆ.

ಇದುವರೆಗೆ ಅಧ್ಯಕ್ಷರಾದವರಲ್ಲಿ ಡೊನಾಲ್ಡ್ ಟ್ರಂಪ್ ಅವರು ಭಾರತಕ್ಕೆ ಉತ್ತಮ ಅಧ್ಯಕ್ಷರೆನಿಸಿಕೊಳ್ಳಲಿದ್ದಾರೆ. ಏಕೆಂದರೆ ಅವರು ಈಗಾಗಲೇ ಬಹಿರಂಗ ಬೆಂಬಲವನ್ನು ಭಾರತಕ್ಕೆ ನೀಡಿದ್ದಾರೆ ಎಂದರು.

ಅಮೆರಿಕ ರಾಜಧಾನಿಯಲ್ಲಿ ಜನವರಿ 20ರಂದು ಸಾಯಂಕಾಲ ನಡೆಯುವ ವೈಭವೋಪೇತ ಕಾರ್ಯಕ್ರಮದಲ್ಲಿ ಡೊನಾಲ್ಡ್ ಟ್ರಂಪ್ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ.