ಬೀಜಿಂಗ್: ಭಾರತ-ಚೀನಾ ನಡುವಿನ ಗಡಿ ವಿವಾದ ಮುಂದುವರೆದಿದ್ದು, ಚೀನಾ ಯುದ್ಧದ ಬಗ್ಗೆ ಮಾತನಾಡಿದೆ. 

ಚೀನಾದ ಸರ್ಕಾರಿ ಸ್ವಾಮ್ಯದ ಪತ್ರಿಕೆ ಗ್ಲೋಬಲ್ ಟೈಮ್ಸ್ ಲೇಖನವೊಂದನ್ನು ಪ್ರಕಟಿಸಿದ್ದು, ಚೀನಾ ಸಹ ಗಡಿಯಲ್ಲಿ ಹೆಚ್ಚಿನ ಸಂಖ್ಯೆಯ ಸೇನಾ ಪಡೆಯನ್ನು ನಿಯೋಜಿಸಬೇಕಿದೆ ಎಂದು ಅಭಿಪ್ರಾಯಪಟ್ಟಿದೆ. ಚೀನಾದ ಕ್ಷಿಪ್ರ ಆರ್ಥಿಕ ಬೆಳವಣಿಗೆಯಿಂದ ಆತಂಕಕ್ಕೊಳಗಾದ ಭಾರತ ಗಡಿಯಲ್ಲಿ ವಿವಾದವನ್ನು ಹುಟ್ಟುಹಾಕಿದೆ ಎಂದು ಚೀನಾ ಮಾಧ್ಯಮ ಪ್ರಕಟಿಸಿರುವ ಲೇಖನದಲ್ಲಿ ಆರೋಪಿಸಲಾಗಿದೆ. 

ಚೀನಾ ತನ್ನ ಸಾರ್ವಭೌಮತೆಯನ್ನು ರಕ್ಷಿಸಿಕೊಳ್ಳಲು ಭಾರತದೊಂದಿಗೆ ಯುದ್ಧ ಮಾಡುವುದಕ್ಕೂ ಚೀನಾ ಹೆದರುವುದಿಲ್ಲ, ಚೀನಾ ಗಡಿಯಲ್ಲಿರುವ ಸೇನಾ ಪಡೆಯನ್ನು ವಾಪಸ್ ಕರೆಸಿಕೊಳ್ಳುವಂತೆ ಭಾರತಕ್ಕೆ ಸಲಹೆ ನೀಡುತ್ತಿದ್ದರೆ, ಭಾರತದ ಜನಾಭಿಪ್ರಾಯ ಯುದ್ಧದ ಬಗ್ಗೆ ಇದೆ. ಚೀನಾ ಭಾರತದೊಂದಿಗೆ ಯುದ್ಧ ಮಾಡುವುದಕ್ಕೂ ಹೆದರುವುದಿಲ್ಲ ಎಂದು ಚೀನಾ ಮಾಧ್ಯಮದಲ್ಲಿ ಪ್ರಕಟಗೊಂಡ ಲೇಖನ ಹೇಳಿದೆ.