ದಾಕಾ: 2009 ರ ದಂಗೆಯ ವೇಳೆ ನಡೆದ ಹತ್ಯಾಕಾಂಡ ಪ್ರಕರಣ ಸಂಬಂಧ 139 ಮಂದಿಯ ಮರಣ ದಂಡನೆ, 146 ಜನರಿಗೆ ಜೀವಾವಧಿ ಶಿಕ್ಷೆಯನ್ನು ಬಾಂಗ್ಲಾ ಹೈ ಕೋರ್ಟ್ ಇಂದು ಎತ್ತಿ ಹಿಡಿದಿದೆ. ಗಡಿ ರಕ್ಷಕರ ಪ್ರಧಾನ ಕಚೇರಿಯಲ್ಲಿ ನಡೆದ ಕ್ರೂರ ಹತ್ಯೆಗಾಗಿ ಆಗಿನ ಬಾಂಗ್ಲಾದೇಶ ರೈಫಲ್ಸ್ (ಬಿಡಿಆರ್) ನ 152 ಆರೋಪಿತ ಸೈನಿಕರ ಮರಣದಂಡನೆ ಶಿಕ್ಷೆಗೆ ಸಂಬಂಧಿಸಿ ಬಾಂಗ್ಲಾ ನ್ಯಾಯಾಲಯ ಈ ತೀರ್ಪು ಪ್ರಕಟಿಸಿದೆ.

ಮೂರು ನ್ಯಾಯಾಧೀಶರನ್ನೊಳಗೊಂಡ ಪೀಠವು ನೀಡಿದ ಸುದೀರ್ಘ ತೀರ್ಪಿನ ವಿವರವನ್ನು ಅಟಾರ್ನಿ ಜನರಲ್ ಮಹಬುಬೈ ಅಲಾಮ್ ಅವರು ಮಾಧ್ಯಮಗಳಿಗೆ ತಿಳಿಸಿದರು. ಬಿಡಿಆರ್ ನ 152 ಸೈನಿಕರಿಗೆ ಮರಣದಂಡನೆ ಹಾಗು 158 ಮಂದಿಗೆ ಜೀವಾವಧಿ ಶಿಕ್ಷೆ ನಿಡಿ ಢಾಖಾದ ಕೆಳ ನ್ಯಾಯಾಲಯ ತೀರ್ಪು ಪ್ರಕಟಿಸಿದ್ದ ನಾಲ್ಕು ವರ್ಷಗಳ ನಂತರ ಈ ತೀರ್ಪು ಹೊರಬಿದ್ದಿದೆ.

ನಿನ್ನೆ ಢಾಕಾ ಹೈ ಕೋರ್ಟ್ ಈ ಪ್ರಕರಣ ಸಂಬಂಧ ಸುದೀರ್ಘ ತೀರ್ಪನ್ನು ಮಂಡಿಸಲು ಮೊದಲು ಮಾಡಿದ್ದು ಇದಕ್ಕೂ ಮುನ್ನ ಢಾಕಾ ದ ಕೆಳ ನ್ಯಾಯಾಲಯವು  152 ಸೈನಿಕರಿಗೆ ಮರಣದಂಡನೆಯನ್ನು ವಿಧಿಸಿ 2013ರಲ್ಲಿ ತೀರ್ಪು ಪ್ರಕಟಿಸಿತ್ತು.