ಮೆಲ್ಬೋರ್ನ್: ಆಸ್ಟ್ರೇಲಿಯಾದಲ್ಲಿದ್ದ 25 ವರ್ಷದ ಭಾರತೀಯ ವಿದ್ಯಾರ್ಥಿಯನ್ನು ಬರ್ಬರವಾಗಿ ಹತ್ಯೆ ಮಾಡಲಾಗಿದೆ. ಡೇಟಿಂಗ್ ಸೈಟ್ ಮೂಲಕ ಪರಿಚಯವಾದ ಯುವತಿಯನ್ನು ಭೇಟಿ ಮಾಡಿದ ಬೆನ್ನಲ್ಲೇ ವಿದ್ಯಾರ್ಥಿಯನ್ನು ಹತ್ಯೆ ಮಾಡಲಾಗಿದ್ದು, ಯುವತಿಯನ್ನು ಪ್ರಕರಣದ ಸಂಬಂಧ ಬಂಧಿಸಲಾಗಿದೆ.
ಮೌಲಿನ್ ರಾಥೋಡ್(25) ಮೃತ ದುರ್ದೈವಿ ಆಗಿದ್ದು, ಆತ ಯುವತಿಯೊಬ್ಬಳ ಮನೆಯ ಎದುರು ತೀವ್ರವಾಗಿ ಗಾಯಗೊಂಡ ಪರಿಸ್ಥಿತಿಯಲ್ಲಿ ಪತ್ತೆಯಾಗಿದ್ದ. ಆತನನ್ನು ತಕ್ಷಣವೇ ಆಸ್ಪತ್ರೆಗೆ ಸೇರಿಸಲಾಯಿತಾದರೂ ಸಹ ಆತ ಬದುಕುಳಿಯಲಿಲ್ಲ. ಹಲ್ಲೆಗೊಳಗಾಗುವುದಕ್ಕೂ ಮುನ್ನ ರಾಥೋಡ್ ಮೆಲ್ಬೋರ್ನ್ ನಲ್ಲಿರುವ 19 ವರ್ಷದ ಯುವತಿಯ ಮನೆಗೆ ತೆರಳಿದ್ದ. ಘಟನೆಗೆ ಸಂಬಂಧಿಸಿದಂತೆ ಯುವತಿಯನ್ನು ಬಂಧಿಸಲಾಗಿದ್ದು, ವಿಚಾರಾಣೆ ನಡೆಸಲಾಗುತ್ತಿದೆ.