ವಾಷಿಂಗ್ಟನ್: ಭಾರತೀಯ ಮೂಲದ ಮಾಡೆಲ್ ಶ್ರೀ ಸೈನಿ ಅವರು ಮಿಸ್ ವರ್ಲ್ಡ್ ಅಮೆರಿಕ 2019ರ ಫಿನಾಲೆಯಲ್ಲಿ ಕುಸಿದು ಬಿದ್ದು ಆಸ್ಪತ್ರೆಗೆ ದಾಖಲಾಗಿದ್ದರು. ಚಿಕಿತ್ಸೆ ಪಡೆಯುತ್ತಿದ್ದ ಸೈನಿಗೆ ಅಚ್ಚರಿ ವ್ಯಕ್ತವಾಗಿದ್ದು ಆಯೋಜಕರು ಆಸ್ಪತ್ರೆಗೆ ತೆರಳಿ ಕಿರೀಟವನ್ನು ನೀಡಿದ್ದಾರೆ.
ಸೈನಿ ಗೌನ್ ರೌಂಡ್ ನಲ್ಲಿ ಭಾಗವಹಿಸುವ ಮೊದಲು ಕುಸಿದು ಬಿದ್ದಿದ್ದರು. ಪರಿಣಾಮ ಅವರ ಕಾಲಿಗೆ ಗಂಭೀರವಾಗಿ ಗಾಯಗಳಾಗಿತ್ತು. ಹೀಗಾಗಿ ಸೈನಿಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಸ್ಪರ್ಧೆಯಲ್ಲಿ ಸೈನಿ ಗೆದ್ದಿದ್ದ ಐದು ಪ್ರಶಸ್ತಿಯನ್ನು ಆಯೋಜಕರು ಆಸ್ಪತ್ರೆಗೆ ಭೇಟಿ ನೀಡಿ ಪುರಸ್ಕರಿಸಿದ್ದಾರೆ.
ಶ್ರೀ ಸೈನಿ ಬ್ಯುಟಿ ವಿತ್ ಎ ಪರ್ಪಸ್ ಅವಾರ್ಡ್, ಟಾಪ್ ಇನ್ ಫ್ಲೂಯೆನ್ಸರ್ ಅವಾರ್ಡ್, ಎಂಟರ್ ಪ್ರೆನ್ಶೂರ್ ಚಾಲೆಂಜ್ ಅವಾರ್ಡ್, ಮೊದಲನೇ ರನ್ನರಪ್ ಟ್ಯಾಲೆಂಟ್ ಅವಾರ್ಡ್ ಹಾಗೂ ಮೊದಲನೇ ರನ್ನರಪ್ ಟಾಪ್ ಮಾಡೆಲ್ ಅವಾರ್ಡ್ ಕಿರೀಟವನ್ನು ತಮ್ಮದಾಗಿಸಿಕೊಂಡಿದ್ದಾರೆ.