ಫುಟ್ಬಾಲ್ ಆಟಗಾರರಿಗೆ ಅವಿಸ್ಮರಣೀಯ ಗೋಲ್ ಹೊಡೆಯಬೇಕು ಎಂಬ ಕನಸಿರುತ್ತದೆ. ಅದೇ ರೀತಿ ಮೈದಾನದಲ್ಲಿ ಗೋಲ್ ಬಾರಿಸಿದಾಗ ಅವರ ಸಂಭ್ರಮಾಚರಣೆ ಹೇಳ ತೀರದು.
ಇನ್ನು ಗಲ್ಲಿಗಳಲ್ಲಿ ಆಡುವ ಮಕ್ಕಳಿಗೂ ಸಹ ಅದ್ಭುತ ಗೋಲ್ ಒಂದನ್ನು ಹೊಡೆಯಬೇಕು ಎಂಬ ಆಸೆ ಇರುತ್ತದೆ. ಅದೇ ರೀತಿ ರಸ್ತೆಯಲ್ಲಿ ಆಡುತ್ತಿದ್ದ ಬಾಲಕನೊಬ್ಬ ಅಂದುಕೊಳ್ಳೊಕ್ಕೆ ಆಗದಂತಾ ಗೋಲ್ ಬಾರಿಸಿ ಕ್ರಿಸ್ಟಿಯಾನೋ ರೊನಾಲ್ಡೋ ರೀತಿ ಆಚರಣೆ ಮಾಡಿರುವ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಕೊರೋನಾ ವೈರಸ್ ಹಿನ್ನೆಲೆಯಲ್ಲಿ ಜಗತ್ತೇ ಲಾಕ್ ಡೌನ್ ಪರಿಸ್ಥಿತಿ ಎದುರಿಸುತ್ತಿದೆ. ಈ ಹಿನ್ನೆಲೆಯಲ್ಲಿ ರಸ್ತೆ ಮಧ್ಯೆ ಹುಡುಗರು ಫುಟ್ಬಾಲ್ ಆಡುತ್ತಿದ್ದು ಇದನ್ನು ವ್ಯಕ್ತಿಯೋರ್ವ ತಮ್ಮ ಮೊಬೈಲ್ ನಲ್ಲಿ ಚಿತ್ರೀಸಿ ಸಾಮಾಜಿಕ ಜಾಲತಾಣಕ್ಕೆ ಅಪ್ಲೋಡ್ ಮಾಡಿದ್ದು ವಿಡಿಯೋ ನೋಡಿದ ನೆಟಿಗರು ಸೂಪರ್ ಎಂದು ಹೊಗಳಿದ್ದಾರೆ.