ಜಿನಿವಾ: ಕೊರೊನಾ ವೈರಸ್ ಪ್ರಕರಣಗಳ ಸಂಖ್ಯೆ ವಿಶ್ವಾದ್ಯಂತ 1.71 ಕೋಟಿ ಮೀರಿದೆ. ಈ ಕಾಯಿಲೆಯಿಂದ 669,235 ಕ್ಕೂ ಹೆಚ್ಚು ಸಾವುಗಳು ದಾಖಲಾಗಿವೆ ಎಂದು ವಲ್ಡೋಮೀಟರ್​ ಡೇಟಾ ವರದಿಗಳು ತಿಳಿಸಿವೆ. 

ವಲ್ಡೋಮೀಟರ್​ ಡೇಟಾ ವರದಿಗಳ ಪ್ರಕಾರ, ಕಳೆದ 24 ಗಂಟೆಗಳಲ್ಲಿ 284,042 ಹೊಸ ಸೋಂಕುಗಳು ಮತ್ತು 5,274 ಕರೋನವೈರಸ್ ಸಂಬಂಧಿತ ಸಾವುನೋವುಗಳು ವಿಶ್ವದಾದ್ಯಂತ ದಾಖಲಾಗಿವೆ ಎಂದು ತಿಳಿದುಬಂದಿದೆ. 

ವಿಶ್ವದ ಅತೀ ಹೆಚ್ಚು ಸೋಂಕಿತರನ್ನು ಹೊಂದಿ ಟಾಪ್ 10 ಪಟ್ಟಿಯಲ್ಲಿ ಮೊದಲ ಸ್ಥಾನ ಪಡೆದುಕೊಂಡಿರುವ ಅಮೆರಿಕಾದಲ್ಲಿ ಈ ವರೆಗೂ ಬರೋಬ್ಬರಿ 4,568,037 ಮಂದಿಯಲ್ಲಿ ಸೋಂಕು ಪತ್ತೆಯಾಗಿದ್ದು, 153,840 ಮಂದಿ ಬಲಿಯಾಗಿದ್ದಾರೆ. 

ಎರಡನೇ ಸ್ಥಾನದಲ್ಲಿರುವ ಬ್ರೆಜಿಲ್ ನಲ್ಲಿ ಸೋಂಕಿತರ ಸಂಖ್ಯೆ 2,555,518ಕ್ಕೆ ಏರಿಕೆಯಾಗಿದ್ದು, 90,188 ಮಂದಿ ಸಾವನ್ನಪ್ಪಿದ್ದಾರೆ. ಇನ್ನು ಮೂರನೇ ಸ್ಥಾನದಲ್ಲಿರುವ ಭಾರತದಲ್ಲಿ ಈ ವರೆಗೂ 1,584,384 ಮಂದಿಯಲ್ಲಿ ಸೋಂಕು ಪತ್ತೆಯಾಗಿದ್ದು, 35,003 ಮಂದಿ ಬಲಿಯಾಗಿದ್ದಾರೆ.