ಆಫ್ಘಾನಿಸ್ತಾನ ತೊರೆಯಲು ಅಮೆರಿಕ ಸೇರಿದಂತೆ ಇತರೆ ದೇಶಗಳ ನಾಗರೀಕರಿಗೆ ತಾಲಿಬಾನ್ ಅನುಮತಿ

ಕಾಬೂಲ್: ಈ ಹಿಂದೆ ಆಫ್ಘನ್ ತೊರೆಯಲ್ಲಿ ಅಡ್ಡಿ ಪಡಿಸಿದ್ದ ತಾಲಿಬಾನ್ ಇದೀಗ ಅಮೆರಿಕ ಸೇರಿದಂತೆ ಇತರೆ ದೇಶಗಳ ನಾಗರೀಕರಿಗೆ ತವರಿಗೆ ಮರಳಲು ಅನುಮತಿ ನೀಡಿದೆ.

ಈ ಬಗ್ಗೆ ಟೋಲೋ ಸುದ್ದಿಸಂಸ್ಥೆ ವರದಿ ಮಾಡಿದ್ದು, ಅಫ್ಗಾನಿಸ್ತಾನದಲ್ಲಿ ಉಳಿದಿರುವ ಅಮೆರಿಕದ 200 ನಾಗರಿಕರು ಸೇರಿದಂತೆ ಇತರ ರಾಷ್ಟ್ರಗಳ ನಾಗರಿಕರಿಗೆ ವಿಮಾನಗಳ ಮೂಲಕ ಕಾಬೂಲ್‌ ವಿಮಾನ ನಿಲ್ದಾಣದಿಂದ ನಿರ್ಗಮಿಸಲು ತಾಲಿಬಾನ್ ಅಧಿಕಾರಿಗಳು ಒಪ್ಪಿಗೆ ನೀಡಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ: ಅಫ್ಘಾನಿಸ್ತಾನ ತೊರೆಯುವ ಮುನ್ನ ಅಮೆರಿಕದಿಂದ ನೂರಾರು ಮಿಲಿಯನ್ ಮೌಲ್ಯದ ಯುದ್ದೋಪಕರಣ ನಾಶ: ತಾಲಿಬಾನ್

ಅಲ್ಲದೆ ಈ ಬಗ್ಗೆ ಸ್ವತಃ ಹೆಸರು ಹೇಳಲಿಚ್ಚಿಸದ ಅಮೆರಿಕದ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದು, ಅಮೆರಿಕದ ವಿಶೇಷ ಪ್ರತಿನಿಧಿ ಅಲ್ಮಯ್‌ ಖಲೀಲ್ಜಾದ್ ಅವರು ವಿದೇಶಿ ಪ್ರಜೆಗಳು ತೆರಳಲು ಅನುಮತಿ ನೀಡುವಂತೆ ತಾಲಿಬಾನ್‌ ಅನ್ನು ಒತ್ತಾಯಿಸಿದ್ದರು ಎಂದು ರಾಯಿಟರ್ಸ್‌ ಸುದ್ದಿ ಸಂಸ್ಥೆಗೆ ತಿಳಿಸಿದರು. ಅಮೆರಿಕ  ಮತ್ತು ಇತರ ರಾಷ್ಟ್ರಗಳ ಪ್ರಜೆಗಳು ಕಾಬೂಲ್‌ನಿಂದ ಗುರುವಾರ ಹೊರಡುವ ನಿರೀಕ್ಷೆ ಇದೆ.