ಅಫ್ಘಾನಿಸ್ತಾನ ತೊರೆಯುವ ಮುನ್ನ ಅಮೆರಿಕದಿಂದ ನೂರಾರು ಮಿಲಿಯನ್ ಮೌಲ್ಯದ ಯುದ್ದೋಪಕರಣ ನಾಶ: ತಾಲಿಬಾನ್

ಕಾಬೂಲ್: ಅಮೆರಿಕ ಪಡೆ ಅಪ್ಘಾನಿಸ್ತಾನ ತೊರೆಯುವ ಮುನ್ನ ನೂರಾರು ಮಿಲಿಯನ್ ಮೌಲ್ಯದ ಯುದ್ದೋಪಕರಣಗಳನ್ನು ನಾಶಪಡಿಸಿದೆ ಎಂದು ತಾಲಿಬಾನ್ ಹೇಳಿದೆ.

ಕೇಂದ್ರ ತನಿಖಾ ಸಂಸ್ಥೆಯ ಹಿಂದಿನ ಕಾರ್ಯಾಚರಣಾ ಕೇಂದ್ರದ ಒಳಗಡೆ ಸೋಮವಾರ ಸುದ್ದಿಗಾರರಿಗೆ ಅವಕಾಶ ಮಾಡಿಕೊಟ್ಟ ತಾಲಿಬಾನ್, ಅಮೆರಿಕ ಪಡೆ ಅಫ್ಘಾನಿಸ್ತಾನ ತೊರೆಯುವ  ಎಲ್ಲಾ ಮಿಲಿಟರಿ ಸಾಧನಗಳು, ವಾಹನಗಳು ಮತ್ತು ದಾಖಲಾತಿಗಳನ್ನು ಸುಟ್ಟುಹಾಕಿದೆ ಎಂದು ಹೇಳಿರುವುದಾಗಿ ಸ್ಥಳೀಯ ಮಾಧ್ಯಮವೊಂದು ವರದಿ ಮಾಡಿದೆ. 

ಅಮೆರಿಕದ ಗುಪ್ತಚರ ಅಧಿಕಾರಿಗಳು ಮತ್ತು ಅಫ್ಘಾನ್ ಎನ್ ಡಿಎಸ್ 01 ಪಡೆಯ ಕಾರ್ಯಾಚರಣೆಯ ಕೇಂದ್ರ ಇದೀಗ ತಾಲಿಬಾನ್ ನಿಯಂತ್ರಣದಲ್ಲಿದೆ. ಅನೇಕ ಮಹತ್ವದ ದಾಖಲೆಗಳು, ನೂರಾರು ಹಮ್ವೀಗಳು, ಶಸ್ತ್ರಸಜ್ಜಿತ ಟ್ಯಾಂಕ್‌ಗಳು ಮತ್ತು ಆಯುಧಗಳನ್ನು ಅಮೆರಿಕ ಪಡೆ ನಾಶಪಡಿಸಿದೆ ಎಂದು ತಾಲಿಬಾನ್ ಹೇಳಿರುವುದಾಗಿ ಹೇಳಿರುವುದಾಗಿ ಸ್ಥಳೀಯ ಮಾಧ್ಯಮ ಟೊಲೊ ನ್ಯೂಸ್ ವರದಿ ಮಾಡಿದೆ. 

ಬಳಸದಂತೆ ಎಲ್ಲಾ ಆಯುದ್ಧಗಳನ್ನುಅಮೆರಿಕ ಪಡೆ ನಾಶಪಡಿಸಿದ್ದಾರೆ. ಗಣಿಗಳ ಭಯದಿಂದ ಕ್ಯಾಂಪಿನ ಕೆಲ ರೂಮ್ ಗಳಿಗೆ ತಾಲಿಬಾನ್ ಇಲ್ಲಿಯವರೆಗೂ ಪ್ರವೇಶಿಸಿರಲಿಲ್ಲ ಎಂದು ಕಮಾಂಡರ್, ಮೌಲವಿ ಅಥ್ನೈನ್ ಹೇಳಿದ್ದಾರೆ. ಅಮೆರಿಕದ ಧೀರ್ಘ ಆಗಸ್ಟ್ 31 ರಂದು ಮುಂಜಾನೆ ಅಮೆರಿಕ ಪಡೆಗಳು ಅಫ್ಘಾನಿಸ್ತಾನದಿಂದ ನಿರ್ಗಮಿಸಿದ್ದವು.  

ಅಫ್ಘಾನಿಸ್ತಾನದಿಂದ 6 ಸಾವಿರ ಅಮೆರಿಕ ಜನರು ಮತ್ತು 1,24,000ಕ್ಕೂ ಹೆಚ್ಚು ನಾಗರಿಕರನ್ನು ಸ್ಥಳಾಂತರಿಸಲಾಗಿದೆ ಎಂದು ಅಮೆರಿಕ ರಕ್ಷಣಾ ಕಾರ್ಯದರ್ಶಿ ಲಾಯ್ಡ್ ಜೆ ಆಸ್ಟಿನ್ III ಈ ಹಿಂದೆ ತಿಳಿಸಿದ್ದರು.