ನ್ಯೂಯಾರ್ಕ್: ಅಮೆರಿಕ ಖ್ಯಾತ ನೀಲಿ ಚಿತ್ರ ತಾರೆ ಸೋಫಿಯಾ ಲಿಯೋನ್ ಶವವಾಗಿ ಪತ್ತೆಯಾಗಿದ್ದು, 26 ವರ್ಷ ವಯಸ್ಸಿನ ನಟಿಯ ಸಾವಿನ ಕಾರಣ ನಿಗೂಢವಾಗಿದೆ.
ಮೂಲಗಳ ಪ್ರಕಾರ ಮಾರ್ಚ್‌ 1ರಂದು ಸೋಫಿಯಾ ಲಿಯೋನ್ ಅವರು ತಮ್ಮ ಅಪಾರ್ಟ್ ಮೆಂಟ್ ನಲ್ಲಿ ಮೃತಪಟ್ಟಿದ್ದಾರೆ ಎಂದು ಸೋಫಿಯಾ ಅವರ ಮಲ ತಂದೆ ತಿಳಿಸಿದ್ದಾರೆ. ಸಾವಿನ ಕಾರಣದ ಬಗ್ಗೆ ಸ್ಥಳೀಯ ಪೊಲೀಸರ ತನಿಖೆ ಮಾಡುತ್ತಿದ್ದಾರೆ ಎಂದು ಅವರು ಹೇಳಿದ್ದಾರೆ.
ಅವರು ಕೆಲಸ ಮಾಡುತ್ತಿದ್ದ ಮಾಡೆಲಿಂಗ್ ಏಜೆನ್ಸಿ ಕೂಡ ಸೋಪಿಯಾ ನಿಧನದ ಸುದ್ದಿಯನ್ನು ಖಚಿಪಡಿಸಿದೆ. ಈ ಬಗ್ಗೆ ಸಾಮಾಜಿಕ ಮಾಧ್ಯಮ ಎಕ್ಸ್‌ನಲ್ಲಿ ಸಂತಾಪ ಸೂಚಿಸಿ ಪೋಸ್ಟ್‌ ಹಾಕಿದೆ.
ಸೋಫಿಯಾ ಲಿಯೋನ್ ಅವರು ಕೇವಲ 18 ವರ್ಷದವಳಿದ್ದಾಗ ಅಶ್ಲೀಲ ಚಿತ್ರ ಉದ್ಯಮವನ್ನು ಪ್ರವೇಶಿಸಿದ್ದರು. ಅಂದಿನಿಂದ ಇಂದಿನವರೆಗೆ ಅವರು ರಿಯಾಲಿಟಿ ಕಿಂಗ್ಸ್, ಮೊಫೊಸ್, ಟೀಮ್ ಸ್ಕೀಟ್ ಮುಂತಾದ ವಿವಿಧ ನಿರ್ಮಾಣ ಸ್ಟುಡಿಯೋಗಳಲ್ಲಿ 230 ಕ್ಕೂ ಹೆಚ್ಚು ವೀಡಿಯೊಗಳಲ್ಲಿ ಕಾಣಿಸಿಕೊಂಡಿದ್ದಾರೆ ಎಂದು ಹೇಳಲಾಗಿದೆ. ಸೋಫಿಯಾ ನಿಧನಕ್ಕೆ ನೀಲಿ ಚಿತ್ರೋಧ್ಯಮ ಕಂಬನಿ ಮಿಡಿದಿದೆ.