ಕೆನಡಾ: ಕೆನಡಾದ ಮೃಗಾಲಯದಲ್ಲಿ ಸಿಬ್ಬಂದಿಯಿಂದ ಉಂಟಾದ ಆಕಸ್ಮಿಕ ಅನಾಹುತದಲ್ಲಿ ಗೊರಿಲ್ಲಾ ಮರಿ ಸಾವನ್ನಪ್ಪಿದೆ.

ಸಿಬ್ಬಂದಿ ಮೃಗಾಲಯದಲ್ಲಿದ್ದ ಹೈಡ್ರಾಲಿಕ್ ಬಾಗಿಲನ್ನು ಮುಚ್ಚುವ ಸಮಯಕ್ಕೆ ಗೊರಿಲ್ಲಾ ಮರಿ ತಲೆ ಕೊಟ್ಟ ಪರಿಣಾಮ ಈ ಅವಘಡ ಸಂಭವಿಸಿದೆ.

ನ್ಯೂಯಾರ್ಕ್ ಪೋಸ್ಟ್ ಪ್ರಕಾರ, ಘಟನೆಯು ನವೆಂಬರ್ 12 ರಂದು ಆಲ್ಬರ್ಟಾದ ಕ್ಯಾಲ್ಗರಿ ಮೃಗಾಲಯದಲ್ಲಿ ನಡೆದಿದೆ. ಐಯಾರೆ, 2 ವರ್ಷ ವಯಸ್ಸಿನ ಪಶ್ಚಿಮ ತಗ್ಗು ಪ್ರದೇಶದ ಗೊರಿಲ್ಲಾ, ತನ್ನ ಗೊರಿಲ್ಲಾ ಸಂಗಾತಿಗಳೊಂದಿಗೆ "ಬೆಡ್‌ರೂಮ್‌ನಿಂದ ಬೆಡ್‌ರೂಮ್‌ಗೆ ತಿರುಗುತ್ತಿತ್ತು" ಸಿಬ್ಬಂದಿಯೊಬ್ಬರು ಅದನ್ನು ಬೇರ್ಪಡಿಸಲು ಪ್ರಯತ್ನಿಸುತ್ತಿದ್ದರು, ಈ ವೇಳೆ ಆರೈಕೆದಾರರು "ತಪ್ಪಾದ ಬಾಗಿಲನ್ನು ತಪ್ಪಾಗಿ ಸಕ್ರಿಯಗೊಳಿಸಿದ್ದಾರೆ, ಇದರ ಪರಿಣಾಮವಾಗಿ ಗೊರಿಲ್ಲಾ ಮರಿ ಬಾಗಿಲಿಗೆ ಸಿಲುಕಿ ತಲೆಗೆ ತೀವ್ರವಾಗಿ ಗಾಯವಾಯಿತು" ಎಂದು ಮೃಗಾಲಯ ತಿಳಿಸಿದೆ.

"ಗೊರಿಲ್ಲಾ ತಂಡವು ಐಯಾರ್ ಗೆ ವೈದ್ಯಕೀಯ ಚಿಕಿತ್ಸೆ ಕೊಡಿಸಲು ಮುಂದಾಯಿತು. ಪಶುವೈದ್ಯಕೀಯ ತಂಡವು ತಕ್ಷಣವೇ ಸಿಪಿಆರ್ ಸೇರಿದಂತೆ ಜೀವರಕ್ಷಕ ಕ್ರಮಗಳನ್ನು ಪ್ರಾರಂಭಿಸಿತು. ದುಃಖಕರವಾಗಿ, ಐಯಾರ್ ಬದುಕಿ ಉಳಿಯಲಿಲ್ಲ" ಎಂದು ಮೃಗಾಲಯದ ಪ್ರಾಣಿ ಸಂರಕ್ಷಣಾ ನಿರ್ದೇಶಕ ಕೊಲೀನ್ ಬೈರ್ಡ್ ಪೋಸ್ಟ್‌ಗೆ ತಿಳಿಸಿದ್ದಾರೆ.