ಟೆಹ್ರಾನ್: ಹೆಚ್ಚುತ್ತಿರುವ ಉದ್ವಿಗ್ನತೆಯ ನಡುವೆ, ಇರಾನ್ ತನ್ನ ಹೊಸ ನಿಯಮಗಳನ್ನು ಪಾಲಿಸದವರಿಗೆ ಹಾರ್ಮುಜ್ ಜಲಸಂಧಿಯನ್ನು ಮುಚ್ಚುವುದಾಗಿ ಎಚ್ಚರಿಕೆ ನೀಡಿದೆ. ಇದು ಪಶ್ಚಿಮ ಏಷ್ಯಾದ ತೈಲ ಬಿಕ್ಕಟ್ಟ ಮತ್ತಷ್ಟು ಉಲ್ಬಣಗೊಳ್ಳುವ ಸೂಚನೆ ನೀಡಿದ್ದು, ಜಾಗತಿಕ ತೈಲ ಪೂರೈಕೆ ಮಾರ್ಗಗಳ ಬಗ್ಗೆ ಕಳವಳ ಹುಟ್ಟುಹಾಕಿದೆ.
ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ಗೆ ಕಠಿಣ ಎಚ್ಚರಿಕೆ ನೀಡಿದ ಇರಾನ್ ಸಂಸತ್ತಿನ ರಾಷ್ಟ್ರೀಯ ಭದ್ರತಾ ಆಯೋಗದ ಮುಖ್ಯಸ್ಥ ಇಬ್ರಾಹಿಂ ಅಜೀಜಿ ಅವರು, ಹಾರ್ಮುಜ್ ಜಲಸಂಧಿಯನ್ನು ಅಮೆರಿಕಕ್ಕೆ ಮುಚ್ಚಲಾಗುವುದು ಎಂದು ಹೇಳಿದ್ದಾರೆ.
ಕಾರ್ಯತಂತ್ರದ ಜಲಮಾರ್ಗವನ್ನು "ಖಂಡಿತವಾಗಿಯೂ" ಮತ್ತೆ ತೆರೆಯಲಾಗುವುದು. ಆದರೆ "ಟ್ರಂಪ್ಗಾಗಿ ಅಲ್ಲ" ಎಂದು ಇಬ್ರಾಹಿಂ ಅಜೀಜಿ ಅವರು ಹೇಳಿದ್ದಾರೆ.
ಯುಎಸ್ ಮತ್ತು ಇಸ್ರೇಲಿ ಪಡೆಗಳು ಇರಾನ್ ಮೇಲೆ ದಾಳಿ ಮಾಡುವುದನ್ನು ಮುಂದುವರೆಸುತ್ತಿರುವಾಗ, ಟೆಹ್ರಾನ್ ಕೊಲ್ಲಿಯಾದ್ಯಂತ ಪ್ರತೀಕಾರ ತೀರಿಸಿಕೊಳ್ಳುತ್ತಿದೆ ಮತ್ತು ಹಾರ್ಮುಜ್ ಜಲಸಂಧಿಯನ್ನು ನಿರ್ಬಂಧಿಸುತ್ತಿದೆ.
"ಅಂತಿಮವಾಗಿ, ಟ್ರಂಪ್ "ಆಡಳಿತ ಬದಲಾವಣೆ"ಯ ಕನಸು ಛಿದ್ರವಾಗಿದೆ. ಆದರೆ ಈ ಪ್ರದೇಶದ ಸಮುದ್ರಗಳ ಆಡಳಿತದಲ್ಲಿ! ಹಾರ್ಮುಜ್ ಜಲಸಂಧಿಯನ್ನು ಖಂಡಿತವಾಗಿಯೂ ತೆರೆಯಲಾಗುತ್ತದೆ; ಆದರೆ ನಿಮಗಾಗಿ ಅಲ್ಲ! ಇರಾನ್ ಇಸ್ಲಾಮಿಕ್ ಗಣರಾಜ್ಯದ ಹೊಸ ನಿಯಮಗಳನ್ನು ಪಾಲಿಸುವವರಿಗೆ. 47 ವರ್ಷಗಳ ಆತಿಥ್ಯದ ಯುಗ ಈಗ ಮುಗಿದಿದೆ" ಎಂದು ಇಬ್ರಾಹಿಂ ಅಜೀಜಿ ಹೇಳಿದ್ದಾರೆ.
ಇದಕ್ಕೂ ಮೊದಲು, ಟ್ರಂಪ್ ವರದಿಗಾರರನ್ನು ಉದ್ದೇಶಿಸಿ ಮಾತನಾಡುತ್ತಾ, ಅಮೆರಿಕ ಶೀಘ್ರದಲ್ಲೇ ಇರಾನ್ ತೊರೆಯಲಿದೆ ಎಂದು ಹೇಳಿದ್ದರು.