ಐಬಿಎಂ ಸಂಸ್ಥೆಯಲ್ಲಿ ಪಿಂಕ್ ಸ್ಲಿಪ್?

ಬೆಂಗಳೂರು: ತಂತ್ರಜ್ಞಾನ ದೈತ್ಯ ಐಬಿಎಂ ಸಂಸ್ಥೆಯಲ್ಲಿ ಉದ್ಯೋಗಗಳನ್ನು ಕಡಿತಗೊಳಿಸಲಾಗುವುದು ಎಂಬ ವರದಿಗಳು ಬಂದು ದಿನಗಳು ಕಳೆದರೂ ಭಾರತದಲ್ಲಿ ಎಷ್ಟು ಜನ ಉದ್ಯೋಗ ಕಳೆದುಕೊಳ್ಳಲಿದ್ದಾರೆ ಎಂಬುದರ ಮೇಲೆ ಸ್ಪಷ್ಟತೆ ಇಲ್ಲ.

ಭಾರತದ ವಿವಿಧ ನಗರಗಳಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ಈ ಸಂಸ್ಥೆಯಲ್ಲಿ ಒಂದುವರೆ ಲಕ್ಷಕ್ಕೂ ಹೆಚ್ಚು ಜನ ಉದ್ಯೋಗದಲ್ಲಿದ್ದಾರೆ. ಅಂತರಾಷ್ಟ್ರೀಯ ಮಾಧ್ಯಮವೊಂದರ ಪ್ರಕಾರ ಜಾಗತಿಕ ಮಟ್ಟದಲ್ಲಿ ನಾಲ್ಕರಲ್ಲಿ ಒಬ್ಬರು ಕೆಲಸ ಕಳೆದುಕೊಳ್ಳಲಿದ್ದಾರೆ ಎಂದು ವರದಿ ಮಾಡಿತ್ತು. ಅಂದರೆ ಸುಮಾರು ೧ ಲಕ್ಷಜನ ಜಾಗತಿಕವಾಗಿ ಉದ್ಯೋಗ ಕಳೆದುಕೊಳ್ಳಲಿದ್ದಾರೆ. ಆದರೆ ಐಬಿಎಂ ಸಂಸ್ಥೆ ಈ ವರದಿಗಳನ್ನು ತಿರಸ್ಕರಿಸಿದೆ.

ಈ ಮಧ್ಯೆ ಯಾವುದೇ ಉದ್ಯೋಗ ಕಡಿತದ ಬಗ್ಗೆ ನಮಗೆ ಮಾಹಿತಿ ಇಲ್ಲ ಎನ್ನುತ್ತಾರೆ ಐಬಿಎಂ ನೌಕರರು. "ಯಾವುದೇ ಉದ್ಯೋಗ ಕಡಿತದ ಬಗ್ಗೆ ನಮಗೆ ತಿಳಿದಿಲ್ಲ. ನಾವು ಯಾವುದೇ ಉದ್ಯೋಗ ಕಡಿತವನ್ನು ನೋಡಿಲ್ಲ" ಎನ್ನುತ್ತಾರೆ ಐಬಿಎಂ ಭಾರತದದ ಉದ್ಯೋಗಿಯೊಬ್ಬರು.