ನವದೆಹಲಿ: ದೇಶದ ಪ್ರಮುಖ ಉದ್ಯಮಿಗಳಲ್ಲಿ ಒಬ್ಬರಾಗಿರುವ ರತನ್ ಟಾಟಾ ಚಹಾ ಕಂಪನಿ ಟೀಬಾಕ್ಸ್ ನಲ್ಲಿ ಬಂಡವಾಳ ತೊಡಗಿಸಿದ್ದಾರೆ. ಇದರೊಂದಿಗೆ ಸ್ಟಾರ್ಟ್ ಅಪ್ ಗಳಲ್ಲಿ ಬಂಡವಾಳ ತೊಡಗಿಸುವುದನ್ನು ಅವರು ಮುಂದುವರೆಸಿದ್ದಾರೆ. ಹಾಗಿದ್ದರೂ ಎಷ್ಟು ಬಂಡವಾಳ ತೊಡಗಿಸಲಾಗಿದೆ ಎಂಬುದು ಬಹಿರಂಗಗೊಂಡಿಲ್ಲ.
ರತನ್ ಟಾಟಾ ಅವರಿಂದ ಬಂಡವಾಳವನ್ನು ಪಡೆಯಲಾಗಿದೆ. ಇದರಿಂದ ಪ್ರಗತಿಯಲ್ಲಿ ಸಾಗಿರುವ ಕಂಪನಿಯ ವಹಿವಾಟನ್ನು ಮತ್ತಷ್ಟು ಅಭಿವೃದ್ಧಿಯತ್ತ ಕೊಂಡೊಯ್ಯಲಾಗುವುದು ಎಂದು ಕಂಪನಿ ಸಿ/ಇಒ ಕೌಶಲ್ ದುಗಾರ್ ತಿಳಿಸಿದ್ದಾರೆ. ಟಾಟಾ ಅವರ ಮಾರ್ಗದರ್ಶನ, ಚಹಾ ಉದ್ಯಮದಲ್ಲಿ ಅವರು ಹೊಂದಿರುವ ಅನುಭವ ಕಂಪನಿ ಮತ್ತಷ್ಟು ಅಭಿವೃದ್ಧಿಗೆ ಖಂಡಿತ ನೆರವಿಗೆ ಬರಲಿದೆ ಎಂದಿದ್ದಾರೆ. ಟಾಟಾ ಗ್ರೂಪ್ ನ ಚೇರ್ಮನ್ ಆಗಿರುವ ರತನ್ ಟಾಟಾ ಸ್ಟಾರ್ಟ್ ಅಪ್ ಗಳಲ್ಲಿ ಹೆಚ್ಚಿನ ಬಂಡವಾಳ ತೊಡಗಿಸುತ್ತಿದ್ದಾರೆ.
