ಮುಂಬೈ: ಬಹು ನಿರೀಕ್ಷಿತ ಜಿಯೊ ಫೋನ್ ನ ಪ್ರಿ ಬುಕಿಂಗ್‌ ಇಂದು ಸಂಜೆ 5 ಗಂಟೆಯಿಂದ ಆರಂಭವಾಗಲಿದೆ.
ರಿಟೇಲ್‌ ಮಳಿಗೆ, ಅಂತರ್ಜಾಲ ತಾಣ ಮತ್ತು ಜಿಯೊ ಆ್ಯಪ್‌ನಲ್ಲಿ ರೂ.500 ಪಾವತಿಸಿ ಮುಂಗಡ ಕಾದಿರಿಸಬಹುದು. ಸೆಪ್ಟೆಂಬರ್‌ ನಲ್ಲಿ ಮೊಬೈಲ್‌ ವಿತರಿಸುವಾಗ ಉಳಿಕೆ ರೂ.1,000 ಪಾವತಿಸಬೇಕು. ಈ ಮೊತ್ತವನ್ನು ಸಂಪೂರ್ಣವಾಗಿ ಗ್ರಾಹಕರಿಗೆ ಹಿಂತಿರುಗಿಸಲಾಗುವುದು
ಈ ಜಿಯೊಫೋನ್‌ನಲ್ಲಿ ಅನಿಯಮಿತ ಉಚಿತ ಕರೆ. ಕಡಿಮೆ ದರದಲ್ಲಿ ಡೇಟಾ ಸಿಗಲಿದೆ. ಮಾಸಿಕ 153 ರೂ.ಗಳ ಪ್ಯಾಕೇಜ್‌, ವಾರಕ್ಕೆ ರೂ. 53 ನ ಪ್ಯಾಕ್‌ ಪಡೆಯಬಹುದು. ಜಿಯೊ ಟಿವಿ, ಜಿಯೊ ಮ್ಯೂಸಿಕ್‌, ಜಿಯೊ ಸಿನಿಮಾ ಇತ್ಯಾದಿ ಹಲವು ಆ್ಯಪ್‌ಗಳೂ ಈ ಫೋನ್ ನಲ್ಲಿರುತ್ತವೆ ಎಂದು ಸಂಸ್ಥೆಯ ಪ್ರಕಟಣೆ ತಿಳಿಸಿದೆ.
