ನವದೆಹಲಿ: ಇನ್ಫೋಸಿಸ್ ಸಂಸ್ಥೆಯ ಸಹ ಸಂಸ್ಥಾಪಕ ನಂದನ್ ನಿಲೇಕಣಿ ಎಂಟು ವರ್ಷದ ಬಳಿಕ ಮತ್ತೇ ಇನ್ಫೋಸಿಸ್ ಗೆ ಮರಳಿದ್ದಾರೆ.
ಆಂತರಿಕ ಬಿಕ್ಕಟ್ಟಿನಿಂದ ತಲ್ಲಣಗೊಂಡಿರುವ ಆಡಳಿತ ಮಂಡಳಿಗೆ ಎಂಟು ವರ್ಷಗಳ ಬಳಿಕ ನಂದನ್ ನಿಲೇಕಣಿ ಮರಳಿದ್ದು ಸಂಸ್ಥೆಯ ನಾನ್ ಎಕ್ಸಿಕ್ಯೂಟಿವ್ ಚೇರ್ಮನ್ ಆಗಿ ಅವರನ್ನು ನೇಮಕ ಮಾಡಲಾಗಿದೆ.
2002-2007ರವರೆಗೆ ಇನ್ಫೋಸಿಸ್ ಕಂಪನಿಯ ಸಿಇಒ ಆಗಿ ಕಾರ್ಯನಿರ್ವಹಿಸಿದ್ದ ನಿಲೇಕಣಿ 2009ರಲ್ಲಿ ಭಾರತೀಯ ವಿಶಿಷ್ಟ ಗುರುತಿನ ಸಂಖ್ಯೆ ಪ್ರಾಧಿಕಾರದ(ಯುಐಎಡಿಐ) ಮುಖ್ಯಸ್ಥರಾಗಿದ್ದರು.
ಸಂಸ್ಥಾಪಕ ನಾರಾಯಣ ಮೂರ್ತಿ ಜತೆಗಿನ ವೈಮನಸ್ಯದಿಂಗಾಗಿ ಇತ್ತೀಚೆಗಷ್ಟೇ ಸಂಸ್ಥೆಯ ಸಿಇಒ ಸ್ಥಾನಕ್ಕೆ ವಿಶಾಲ್ ಸಿಕ್ಕಾ ಅವರು ರಾಜಿನಾಮೆ ನೀಡಿದ್ದರು.
