ನಗದು ರಹತ ವಹಿವಾಟು ವ್ಯವಸ್ಥೆ ಜಾರಿಯ ಕೇಂದ್ರ ಸರ್ಕಾರದ ಆಂದೋಲನಕ್ಕೆ ಸಾಥ್ ನೀಡಿರುವ ಕೆಲ ಖಾಸಗಿ ಬ್ಯಾಂಕ್ ಗಳು, ತಿಂಗಳಿಗೆ 4 ನಗದು ವ್ಯವಹಾರ ಮಾತ್ರವೇ ಉಚಿತವಾಗಿರಲಿದೆ ಎಂದು ಪ್ರಕಟಿಸಿವೆ. ಇದರ ಜತೆಗೆ ಬ್ಯಾಂಕ್ ನಿಂದ ನಗದು ಹಣ ವಿನಿಮಯದ ಮೇಲೂ ಕೆಲ ನಿರ್ಬಂಧಗಳನ್ನು ಹೇರಿದ್ದು, 5ನೇ ನಗದು ವಹಿವಾಟಿನ ಮೇಲೆ ಖಾಸಗಿ ಬ್ಯಾಂಕ್ ಗಳು ರೂ.150 ಶುಲ್ಕವನ್ನು ವಿಧಿಸಲಿವೆ. ಆದರೆ, ಎಟಿಎಂಗಳಲ್ಲಿ ಮಾತ್ರ ಈ ಹಿಂದಿನಂತೆಯೇ ಮಾಸಿಕ 5ರ ಉಚಿತ ವಹಿವಾಟು (ಮಹಾನಗರಗಳಲ್ಲಿ ಇತರೆ ಬ್ಯಾಂಕ್ ಎಟಿಎಂ ಬಳಸಿದರೆ 3ಮಾತ್ರ ಉಚಿತ) ಮಿತಿ ಮುಂದುವರೆಯಲಿದೆ.
