ಕಳೆದ ವಾರ ನಡೆದ ಹೂಡಿಕೆದಾರರ ಸಭೆಯಲ್ಲಿ ಮಾತನಾಡಿದ್ದ ಪ್ರವೀಣ್ ರಾವ್, ಯುರೋಪ್ ಹಾಗೂ ಅಮೆರಿಕ ಮಾರುಕಟ್ಟೆಗಳಲ್ಲಿ ನೇಮಕಾತಿ ಪ್ರಕ್ರಿಯೆಯನ್ನು ಹೆಚ್ಚಿಸುವುದಾಗಿ ಹೇಳಿದ್ದರು. ಇದೇ ವೇಳೆ ಉದ್ಯಮದಲ್ಲಿ ಹೆಚ್ಚುತ್ತಿರುವ ಆಟೋಮೇಷನ್ ಹಾಗೂ ಉದ್ಯೋಗ ಕಡಿತವಾಗುವ ಆತಂಕದ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಪ್ರವೀಣ್ ರಾವ್, ಪ್ರತಿ ವರ್ಷ ಒಂದು ಮಿಲಿಯನ್ ಪದವೀಧರರು ಹೊರಬರುತ್ತಾರೆ. ಅದು ಅತಿ ಹೆಚ್ಚು ಸಂಖ್ಯೆ ಎನಿಸಬಹುದು ಆದರೆ ಒಂದು ಮಿಲಿಯನ್ ಪೈಕಿ ಶೇ.20-30 ರಷ್ಟು ಮಾತ್ರ ಗುಣಮಟ್ಟದ ಪ್ರತಿಭೆ ಹೊಂದಿದ ವಿದ್ಯಾರ್ಥಿಗಳಾಗಿರುತ್ತಾರೆ ಎಂದು ಹೇಳಿದ್ದಾರೆ.