ಭಾರತದ ಎರಡನೇ ಅತಿದೊಡ್ಡ ಹೊರಗುತ್ತಿಗೆ ಸಂಸ್ಥೆ ಕೂಡ ಆಗಿರುವ ಇನ್ಫೋಸಿಸ್ ನ ನೂತನ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಸಲಿಲ್ ಪರೇಖ್ ಅವರು,2018-19ನೇ ಆರ್ಥಿಕ ವರ್ಷದಲ್ಲಿ ಒಟ್ಟು ರೂ.16.25 ಕೋಟಿ ವೇತನ ಪಡೆಯಲಿದ್ದಾರೆ. ಈ ವೇತನದಲ್ಲಿ ರೂ.6.5 ಕೋಟಿ ಸ್ಥಿರ ವೇತನವಾದರೆ ಇತರೆ ಭತ್ಯೆ ರೂ.9.75 ಕೋಟಿ ಮತ್ತು ಕೇವಲ ವೇತನ ಮಾತ್ರವಲ್ಲದೇ ಸಲಿಲ್ ಪರೇಖ್ ಅವರು ಸಂಸ್ಥೆಯ ಷೇರುಗಳನ್ನು ಕೂಡ ಹೊಂದಬಹುದಾಗಿದೆ ಎಂದು ಸುದ್ದಿ ಸಂಸ್ಥೆ ವರದಿ ಮಾಡಿದೆ.