ಮೇಕ್ ಇನ್ ಇಂಡಿಯಾಗೆ ಭರ್ಜರಿ ಬೇಡಿಕೆ: ಅಮೆರಿಕದ 200 ಸಂಸ್ಥೆಗಳು ಚೀನಾದಿಂದ ಭಾರತಕ್ಕೆ ಸ್ಥಳಾಂತರ!?

ಅಮೆರಿಕ- ಭಾರತ ಕಾರ್ಯತಂತ್ರ ಹಾಗೂ ಪಾಲುದಾರಿಕಾ ವೇದಿಕೆ (USISPF)ಯ ಅಧ್ಯಕ್ಷ ಮುಖೇಶ್ ಅಘಿ ಈ ಬಗ್ಗೆ ಮಾತನಾಡಿದ್ದು, ಭಾರತದಲ್ಲಿ ಹೂಡಿಕೆ ಮಾಡುವ ಮೂಲಕ ಚೀನಾಗೆ ಪರ್ಯಾಯವನ್ನು ಹುಟ್ಟುಹಾಕುವುದರ ಬಗ್ಗೆ ಅಮೆರಿಕ ಸಂಸ್ಥೆಗಳು ತಮ್ಮ ಸಂಘಟನೆಯನ್ನು ಸಂಪರ್ಕಿಸಿವೆ ಎಂದು ಹೇಳಿದ್ದಾರೆ.

"ಸಿಸ್ಕೋ ಸೇರಿದಂತೆ ನಮ್ಮ ಸಂಘಟನೆಯ ಸದಸ್ಯರಾಗಿರುವ  ಅಮೆರಿಕದ 200 ಕಂಪನಿಗಳು, ಭಾರತ ಉತ್ಪಾದನಾ ಹಬ್ ಆಗಬೇಕಾದರೆ ಅಗತ್ಯವಾಗಿ ಕೈಗೊಳ್ಳಬೇಕಿರುವ ಕ್ರಮಗಳ ಕುರಿತು ವಿವರಣೆ ನೀಡಿವೆ. ಭಾರತಕ್ಕೆ ಈ ಸಂಸ್ಥೆಗಳ ಉತ್ಪಾದನಾ ಘಟಗಳನ್ನು ಸ್ಥಳಾಂತರಿಸಿ ಚೀನಾಗೆ ಪರ್ಯಾಯವಾದ ಉತ್ಪಾದನಾ ಹಬ್ ನ್ನು ಸೃಷ್ಟಿಸುವುದರ ಬಗ್ಗೆ ಭಾರತದ ಚುನಾವಣೆ ನಂತರ ಸಲಹೆಗಳನ್ನು ಭಾರತಕ್ಕೆ ಶಿಫಾರಸ್ಸು ಮಾಡಲಿದ್ದೇವೆ ಎಂದು ಮುಖೇಶ್ ಅಘಿ ಮಾಹಿತಿ ನೀಡಿದ್ದಾರೆ.