ಅಮೆಜಾನ್ ನಿರ್ದೇಶಕರ ಮಂಡಳಿ ಸೇರಿದ ಪೆಪ್ಸಿ ಕೋ ಮಾಜಿ ಸಿಇಒ ಇಂದ್ರಾ ನೂಯಿ

ವಾಷಿಂಗ್ಟನ್: ಅನ್ ಲೈನ್  ರಿಟೈಲ್ ದೈತ್ಯ ಕಂಪನಿ ಅಮೆಜಾನ್ ನಿರ್ದೇಶಕರ ಮಂಡಳಿಗೆ ಭಾರತ ಮೂಲದ ಪೆಪ್ಸಿ ಕೋ ಮಾಜಿ ಸಿಇಒ ಇಂದ್ರಾ ನೂಯಿ ಈಗ ಹೊಸದಾಗಿ  ಸೇರ್ಪಡೆಯಾಗಿದ್ದಾರೆ.

ಕಳೆದ ವರ್ಷ ಪೆಪ್ಸಿ ಕೋ ಸಿಇಒ ಸ್ಥಾನದಿಂದ  ವಜಾಗೊಂಡಿದ್ದ ಇಂದ್ರಾ ನೂಯಿ, ಅಮೆಜಾನ್ ಮಂಡಳಿಯ ನಿರ್ದೇಶಕಿ ಸ್ಥಾನಕ್ಕೆ ಸೇರ್ಪಡೆಯಾದ ಎರಡನೇ ಮಹಿಳೆಯಾಗಿದ್ದಾರೆ.ಈ ವರ್ಷದ ಆರಂಭದಲ್ಲಿ ಸ್ಟಾರ್ ಬೂಕ್ಸ್ ಎಕ್ಸಿಕ್ಯೂಟಿವ್ ರೊಸಾಲೈಂಡ್  ಬ್ರೆವೆರ್  ಅಮೆಜಾನ್ ಮಂಡಳಿಗೆ ಸೇರ್ಪೆಡೆಗೊಂಡಿದ್ದರು.

ಈ ತಿಂಗಳಲ್ಲಿ ನಿರ್ದೇಶಕರ ಮಂಡಳಿಗೆ  ಆಯ್ಕೆಯಾದ ಇಂದ್ರಾ ನೂಯಿ ಹಾಗೂ ರೊಸ್ ಬ್ರೆವೆರ್ ಅವರನ್ನು ಸ್ವಾಗತಿಸುವುದಾಗಿ  ಅಮೆಜಾನ್  ಕಂಪನಿ ತಿಳಿಸಿದೆ.  63 ವರ್ಷದ ಇಂದ್ರಾನೂಯಿ ಲೆಕ್ಕ ಪರಿಶೋಧನೆ ಸಮಿತಿಯ ಸದಸ್ಯರಾಗಿದ್ದಾರೆ.

ಇಂದ್ರಾ ನೂಯಿ 2006 ಅಕ್ಟೋಬರ್ ನಿಂದ 2018 ಅಕ್ಟೋಬರ್ ವರೆಗೂ ಪೆಪ್ಸಿ ಕೋ ಸಿಇಒ ಆಗಿ ಕಾರ್ಯನಿರ್ವಹಿಸಿದ್ದರು. ಮೇ 2007 ರಿಂದ ಫೆಬ್ರವರಿ 2019ರವರೆಗೂ ನಿರ್ದೇಶಕರ ಮಂಡಳಿಯ ಮುಖ್ಯಸ್ಥೆಯಾಗಿಯೂ ಅವರು ಕಾರ್ಯನಿರ್ವಹಿಸಿದ್ದರು