ನವದೆಹಲಿ: ತೈಲ ಉತ್ಪನ್ನಗಳ ಮೇಲೆ ಅಬಕಾರಿ ಸುಂಕ ಹೆಚ್ಚಳ ಮಾಡಿ ತೀವ್ರ ಟೀಕೆ ವ್ಯಕ್ತವಾಗಿದ್ದ ಬೆನ್ನಲ್ಲೇ ತೈಲ ಕಂಪನಿಗಳು ಭಾನುವಾರ ಪೆಟ್ರೋಲ್, ಡೀಸೆಲ್ ಪ್ರತಿ ಲೀಟರ್ ಗೆ ಕ್ರಮವಾಗಿ 12 ಹಾಗೂ 14 ಪೈಸೆ ಇಳಿಸಿವೆ.
ಇದರಿಂದಾಗಿ ಪ್ರತಿ ಲೀಟರ್ ಪೆಟ್ರೋಲ್ ನವದೆಹಲಿಯಲ್ಲಿ 69.75 ರೂ., ಪ್ರತಿ ಲೀಟರ್ ಡೀಸೆಲ್ 62.44 ರೂ. ಆಗಿದೆ. ಶನಿವಾರವಷ್ಟರ ಕೇಂದ್ರ ಸರ್ಕಾರ ತೈಲದ ಮೇಲಿನ ಅಬಕಾರಿ ಸುಂಕವನ್ನು 3 ರೂ. ಹೆಚ್ಚಳ ಮಾಡಿತ್ತು ಇದರಿಂದಾಗಿ ಜಾಗತಿಕ ಮಟ್ಟದಲ್ಲಿ ಕಚ್ಚಾ ತೈಲ ಶೇ.30ರ ವರೆಗೆ ಇಳಿಕೆಯಾಗಿದ್ದರೂ, ಗ್ರಾಹಕರಿಗೆ ಅದರ ಲಾಭ ಸಿಕ್ಕಿಲ್ಲ ಎಂಬ ಟೀಕೆ , ಕೊರಗಿನ ನಡುವೆ ತೈಲ ಕಂಪನಿಗಳು ದರ ಇಳಿಕೆ ಮಾಡಿವೆ. ತೈಲೋತ್ಪನ್ನಗಳ ಮೇಲಿನ ಅಬಕಾರಿ ಸುಂಕ ಹೆಚ್ಚಳ ಮಾಡಿದ್ದರಿಂದ ಬೆಳೆ ಇಳಿಕೆ ಮಾಡಲಾಗಿದೆ ಎಂದೂ ತೈಲ ಕಂಪನಿಗಳು ಸ್ಪಷ್ಟಪಡಿಸಿವೆ.
ಇನ್ನು ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲೂ ಪ್ರತೀ ಲೀಟರ್ ಪೆಟ್ರೋಲ್ ದರದಲ್ಲಿ 14 ಪೈಸೆಯಷ್ಟು ಕಡಿತವಾಗಿದ್ದು, ನಿನ್ನೆ 72.52 ರೂ ಇದ್ದ ಪೆಟ್ರೋಲ್ ದರ ಇಂದು 72.38 ರೂಗೆ ಇಳಿಕೆಯಾಗಿದೆ.
ಶನಿವಾರವಷ್ಟೇ ಕೇಂದ್ರ ಸರ್ಕಾರ ಪೆಟ್ರೋಲ್ ಮತ್ತು ಡೀಸೆಲ್ ಮೇಲಿನ ಸೆಸ್ ನಲ್ಲಿ ತಲಾ 3 ರೂ ಏರಿಕೆ ಮಾಡಿತ್ತು.
Advertisement