ತೆರೆ ಮೇಲೆ 'ಕ್ವೀನ್' ಆಗಿ ಮೆರೆದ ಕಂಗನಾ, ತಾನು ಯಾವುದೇ ಪ್ರಶಸ್ತಿ ಸಮಾರಂಭಗಳಲ್ಲಿ ಭಾಗವಹಿಸುವುದಿಲ್ಲವೆಂದ ವಿಷಯ ಎಷ್ಟು ಜನಕ್ಕೆ ಗೊತ್ತಿದೆಯೋ ಗೊತ್ತಲ್ಲ. ಆದರೆ, 'ಕ್ವೀನ್'ನ ಅವಳ ನಟನೆಗೆ ಅವಾರ್ಡ್ ಕೊಟ್ಟಿಲ್ಲವೆಂಬುದು ಪ್ರಶಸ್ತಿ ಆಯ್ಕೆದಾರರ ಕರಾಬ್ ಟೇಸ್ಟನ್ನು ತೋರಿಸುವುದಂತೂ ಸತ್ಯ.
ಈ ಬಾರಿ 'ಹ್ಯಾಪಿ ನ್ಯೂ ಇಯರ್' ಚಿತ್ರದ ನಟನೆಗಾಗಿ ಡಿಂಪಲ್ರಾಣಿ ದೀಪಿಕಾಗೆ ಬೆಸ್ಟ್ ಆ್ಯಕ್ಟ್ರೆಸ್ ಪ್ರಶಸ್ತಿ ಬಂದಾಗ ಆಕೆ, 'ಈ ವರ್ಷ ಕಂಗನಾಳದ್ದು. ಈ ಪ್ರಶಸ್ತಿ ಅವಳಿಗೇ ಸಲ್ಲಬೇಕು' ಎಂದು ತನ್ನ ಪ್ರಶಸ್ತಿಯನ್ನು ಗುಂಗುರು ಕೂದಲ ಚೆಲುವೆ ಕಂಗನಾಗೆ ಅರ್ಪಿಸುವ ಮೂಲಕ ಔದಾರ್ಯ ಮೆರೆದಿದ್ದಳು.
ಆದರೆ ಇದು ಕಂಗನಾಗೆ ದೀಪಿಕಾ 'ಉತ್ತಮ ನಟಿ' ಎಂಬುದನ್ನು ಸಾಬೀತು ಪಡಿಸುತ್ತಿದ್ದಾಳೆ ಎಂಬ ಅನುಮಾನ ತರಿಸಿದೆ. ಹಾಗಾಗಿಯೇ ವಿಷಯಕ್ಕೆ ಪ್ರತಿಕ್ರಿಯಿಸಿರುವ ಅವಳು, 'ದೀಪಿಕಾ ವೇದಿಕೆಯಲ್ಲಿ ಹೇಳಿದ್ದಾಳೆ ನಿಜ, ಆದರೆ ನನ್ನ ನಟನೆಯ ಬಗ್ಗೆ ಅವಳಿಗನ್ನಿಸಿದ್ದನ್ನು ಒಂದಲ್ಲಾ ಒಂದು ದಿನ ನನ್ನ ಬಳಿಯೂ ಹೇಳುತ್ತಾಳೆಂದು ನಂಬಿದ್ದೇನೆ' ಎನ್ನುವ ಮೂಲಕ ದೀಪಿಯ ಕನಿಕರಕ್ಕೆ ನಯವಾಗಿ ವ್ಯಂಗ್ಯವಾಡಿದ್ದಾಳೆ.
Advertisement