ಸಲ್ಮಾನ್ ಖಾನ್ ಅದೇನೇ ಮಾಡಿದ್ರೂ ಸುದ್ದಿಯಾಗುತ್ತೆ. ಈತನ ಅಭಿನಯದ `ಭಜರಂಗಿ ಭಾಯ್ ಜಾನ್' ಸದ್ಯದಲ್ಲಿಯೇ ತೆರೆ ಕಾಣಲಿದೆ.
ಈ ಚಿತ್ರದಲ್ಲಿ ಸಲ್ಮಾನ್ ಭಜರಂಗಬಲಿ ಭಕ್ತ. ಚಿತ್ರದ ಹೆಸರಿನೊಂದಿಗೇ ಗದೆಯಾಕಾರದ ಪದಕವೊಂದು ಥಳಕು ಹಾಕಿ ಕೊಂಡಿದೆ. ಈ ಆಕಾರದ ಪದಕಕ್ಕೆ ಈಗ ಮಾರುಕಟ್ಟೆಯಲ್ಲಿ ಸಿಕ್ಕಾಪಟ್ಟೆ ಬೇಡಿಕೆ ಹುಟ್ಟಿ ಕೊಂಡಿದೆಯಂತೆ. ಸಲ್ಮಾನ್ ಅಭಿಮಾನಿಗಳು ಈ ಪದಕಕ್ಕೆ ಮಾರು ಹೋಗಿದ್ದು, ಎಲ್ಲರೂ ಇಂಥ ಪದಕ ಕೊಳ್ಳಲು ಮುಗಿಬೀಳುತ್ತಿದ್ದಾರೆ.
ಪರಿಸ್ಥಿತಿಯನ್ನು ಅರಿತುಕೊಂಡ ಆನ್ಲೈನ್ ಮಾರಾಟಗಾರರು ಇದರಲ್ಲಿಯೇ ಹಣ ಮಾಡಿಕೊಳ್ಳಲು ಆರಂಭಿಸಿದ್ದಾರೆ. ಈ ಪದಕಗಳು ಆನ್ಲೈನ್ನಲ್ಲಿ ರು.71, 154ಸಾವಿರಕ್ಕೆ ಲಭ್ಯವಿದೆ. ಚಿತ್ರದಲ್ಲಿ ಕಾಣಿಸಿಕೊಳ್ಳುವ ಪದಕಕ್ಕೇ ಇಷ್ಟೊಂದು ಬೇಡಿಕೆ ಸೃಷ್ಟಿಯಾಗಿರುವಾಗ ಸಿನಿಮಾ ಇನ್ನೆಷ್ಟು ಮಟ್ಟಿಗೆ ಹೆಸರು ಮಾಡಬಹುದು ಎಂಬುದನ್ನು ಕಾದು ನೋಡಬೇಕು.
Advertisement