ಸಮೂಹ ಸನ್ನಿಗೊಳಗಾದ ಲಿಯೋನ್

ಮಾಜಿ ನೀಲಿ ತಾರೆ ಸನ್ನಿ ಲಿಯೋನ್ ನಟಿಸಿದ ಬಹು ನಿರೀಕ್ಷಿತ `ಕುಛ್ ಕುಛ್ ಲೋಚಾ ಹೈ' ತೋಪೆದ್ದು ಹೋಯಿತು. ಸನ್ನಿಯ ಅಂಧಾಭಿಮಾನಿಗಳನ್ನು ಹೊರತುಪಡಿಸಿ, ಬೇರೆ ಯಾರೂ ಈ ಚಿತ್ರ ನೋಡುವ ಅಗತ್ಯವೇ ಇಲ್ಲ ಎಂದೇ ವಿಮರ್ಶಿಸಲಾಗಿದೆ.

ಬ್ಯಾಚುಲರ್ ಗಣೇಶನ ದೇವಸ್ಥಾನಕ್ಕೆ ಹೋಗಿ `ಸಿನಿಮಾ ಹಿಟ್ ಆಗಲಿ' ಎಂದು ಬೇಡಿಕೊಂಡರೂ, ಯಾಕೋ ಯಶಸ್ಸು ಸನ್ನಿಯ ಕೈ ಹಿಡಿಯಲಿಲ್ಲ. ಹಾಗಂತ ಸುಮುಖ ಸನ್ನಿ ಕೈ ಬಿಟ್ಟಂತೆಯೂ ಕಾಣುತ್ತಿಲ್ಲ. ಸಮೂಹ ಸನ್ನಿಗೊಳಗಾದಂತೆ ಬಿ-ಟೌನ್‍ನ ಎಲ್ಲ ನಟಿಯರೂ ಬಯಸುವ ಸುಗಂಧ ದ್ರವ್ಯಗಳ ಪ್ರಚಾರಕ್ಕೆ ಸನ್ನಿಗೊಂದು ಸದವಕಾಶ ಸಿಕ್ಕಿದೆ.

ಇದಕ್ಕೆ ಅತೀವ ಖುಷಿಯಾಗಿದೆ ಎಂದು ಅವಳೇ ಟ್ವೀಟ್ ಮಾಡಿದ್ದಾಳೆ. ಜತೆಗೆ ಫ್ರಾನ್ಸ್ ಮತ್ತು ಸ್ವೀಡನ್‍ನ ಸಿಕ್ಕಾಪಟ್ಟೆ ಸುಗಂಧ ದ್ರವ್ಯಗಳ ಬಾಟಲಿಗಳನ್ನು ಮುಂದಿಟ್ಟುಕೊಂಡಿರುವ ಫೋಟೋವನ್ನೂ ಹಂಚಿಕೊಂಡಿದ್ದಾಳೆ.