ಸನ್ನಿ ಲಿಯೋನ್ ಗೆ ಮುಂಬೈನಲ್ಲಿ ಬಾಡಿಗೆ ಮನೆ ಕೂಡ ಸಿಗುತ್ತಿಲ; ನಟಿಯೊಬ್ಬರ ಸಹಾಯಹಸ್ತ

ಮುಂಬೈ: ಇತ್ತೀಚೆಗೆ ಎರಡು ಹಿಂದಿ ಸಿನೆಮಾಗಳಲ್ಲಿ ನಟಿಸಿ ಹಲವರ ಮನಗೆದ್ದಿರುವ ನಟಿ ಸನ್ನಿ ಲಿಯೋನ್ ಅವರು ಮುಂಬೈ ನಲ್ಲಿ ವಾಸಯೋಗ್ಯ ಮನೆ ಹಿಡಿಯಲು ಹರಸಾಹಸ ಮಾಡುತ್ತಿದ್ದಾರೆ. ಪ್ರತಿ ಸಿನೆಮಾದಲ್ಲೂ ತಮ್ಮ ನಟನಾ ಕೌಶಲ ಹೆಚ್ಚಿಸಿಕೊಂಡಿರುವ ಈ ನಟಿಯನ್ನು ಇತ್ತೀಚೆಗೆ ತಮ್ಮ ಬಾಡಿಗೆ ಮನೆಯಿಂದ ಹೊರದಬ್ಬಲಾಗಿದೆ!

ಅವರು ಈಗ ಹಿಂದಿ ಚಿತ್ರಗಳಲ್ಲಿ ನಟಿಸುವುದಕ್ಕೂ ಮುಂಚೆ ಪೋರ್ನ್ ಸಿನೆಮಾಗಳಲ್ಲಿ ನಟಿಸಿದ್ದರು ಎಂಬ ಒಂದೇ ಕಾರಣಕ್ಕೆ ಇವರಿಗೆ ಬಾಡಿಗೆಗೆ ಮನೆ ನೀಡಲು ಅಥವಾ ಮಾರಾಟ ಮಾಡಲು ಮಾಲೀಕರು ನಿರಾಕರಿಸುತ್ತಿದ್ದಾರೆ ಎನ್ನಲಾಗಿದೆ. ಇವರ ಸ್ಥಿತಿ ತಿಳಿದ ನಟಿ ಸೆಲಿನಾ ಜೇಟ್ಲಿ ಸಹಾಯಹಸ್ತ ಚಾಚಿದ್ದು ತನ್ನ ಅಪಾರ್ಟ್ಮೆಂಟ್ ಬಾಡಿಗೆಗೆ ನೀಡಲು ಮುಂದೆ ಬಂದಿದ್ದಾರೆ.

ಆದರೆ ಮತ್ತೊಂದು ಮೂಲದ ಪ್ರಕಾರ ಸನ್ನಿ ತನ್ನ ಅಪಾರ್ಟ್ಮೆಂಟ್ ಅನ್ನು ಸ್ವಚ್ಚವಾಗಿ ಇಟ್ಟುಕೊಳ್ಳದ ಕಾರಣ ಮನೆ ತೊರೆಯಲು ಮಾಲೀಕರು ಸೂಚಿಸಿದ್ದಾರೆ ಎಂದು ತಿಳಿದುಬಂದಿದೆ.

ಸದ್ಯಕ್ಕೆ ಹೋಟೆಲ್ ಒಂದರಲ್ಲಿ ತಂಗಿರುವ ಸನ್ನಿ ಅಪಾರ್ಟ್ಮೆಂಟ್ ಕೊಳ್ಳಲು ಪ್ರಯತ್ನಿಸುತ್ತಿದ್ದಾರೆ.