ಕರಾಚಿ: ಸ್ಟಾರ್ ನಟನ ಪುತ್ರನಾಗಿ, ತಾವೇ ಬಾಲಿವಿಡ್ ನ ಪ್ರಖ್ಯಾತ ಸ್ಟಾರ್ ಆಗಿದ್ದೂ, ೦ ಯಿಂದ ನೂರರ ಅಳತೆ ಮಾಪನದಲ್ಲಿ ತನ್ನ ನಟನೆಗಾಗಿ ಸಿಗುವ ಅಂಕ ೧೦ ಕ್ಕೂ ಕಡಿಮೆ ಎಂದಿರುವ ಅಭಿಷೇಕ್ ಬಚ್ಚನ್, ಇನ್ನು ಬಹಳಷ್ಟು ಕಲಿಯಬೇಕಿದೆ ಎಂದಿದ್ದಾರೆ.
ಸಂದರ್ಶನವೊಂದರಲ್ಲಿ ಮಾತನಾಡಿರುವ ೪೦ ವರ್ಷದ ನಟ, ನನ್ನ ನಟನೆಗೆ ೧೦೦ಕ್ಕೆ ೯ ರಿಂದ ೧೦ ಅಂಕ ಸಿಗುತ್ತದೆ. ಇದು ನಾನು ಅತಿ ವಿನಯ ಎಂದು ತೋರಿಸಿಕೊಳ್ಳಲು ಹೇಳುತ್ತಿರುವುದೇನಿಲ್ಲ ಎಂದಿದ್ದಾರೆ ಎಂದು ಎಕ್ಸ್ಪ್ರೆಸ್ ಟ್ರಿಬ್ಯೂನ್ ವರದಿ ಮಾಡಿದೆ.
ಮಣಿರತ್ನಂ ಅವರ 'ಗುರು' ಸಿನೆಮಾದ ನಟ "ಅಷ್ಟು ಸಾಕಾಗುವುದಿಲ್ಲ. ಇಂದಿನ ದಿನಗಳಲ್ಲಿ ಹೊಸ ನಟನಿಂದ ೮೦-೯೦ ರಷ್ಟು ಅಂಕ ಬರುವ ನಟನೆಯನ್ನು ಜನ ನಿರೀಕ್ಷಿಸುತ್ತಾರೆ. ಅದರಲ್ಲಿ ತಪ್ಪೇನಿದೆ? ನನ್ನ ಪೋಷಕರಿಂದ ಅನ್ನಗೆ ನನಗೆ ಅವಕಾಶ ಸಿಕ್ಕಿದೆ" ಎಂದಿದ್ದಾರೆ.
ಚಿತ್ರರಂಗದಲ್ಲಿ ತಮ್ಮ ಪಯಣದ ಬಗ್ಗೆ ಮಾತನಾಡಿರುವ ಅವರು "ಬಾಕ್ಸ್ ಆಫೀಸಿನಲ್ಲಿ ನನ್ನ ಸಿನೆಮಾಗಳ ಗತಿ ಏನಾದರು, ನಾನು ನಟಿಸಿರುವ ಎಲ್ಲ ಸಿನೆಮಾಗಳಿಂದಲೂ ಸಂತಸ ಪಟ್ಟಿದ್ದೇನೆ. ನನ್ನ ಸಿನೆಮಾಗಳ ಜೊತೆಗೆ ಎಂದೆಂದೂ ನಿಲ್ಲುತ್ತೇನೆ" ಎಂದಿದ್ದಾರೆ.
ಯಾವಾಗಲು ಸರಿಯಾದ ಪಾತ್ರಗಳ ಶೋಧನೆಯಲ್ಲಿ ತೊಡಗಿರುತ್ತೇನೆ ಎಂದು ಹೇಳಿಕೊಂಡಿರುವ ಅಭಿಷೇಕ್, ನಟನಾಗಿ ನಿಧಾನವಾಗಿ ತಮ್ಮನ್ನು ತಾವು ಕಂಡುಕೊಳ್ಳುತ್ತಿರುವುದಾಗಿ ಹೇಳಿದ್ದಾರೆ.
ರಿಷಿ ಕಪೂರ್ ನಟಿಸಿದ್ದ 'ಆಲ್ ಇಸ್ ವೆಲ್' ಸಿನೆಮಾದಲ್ಲಿ ಅಭಿಷೇಕ್ ಕೊನೆಯ ಬಾರಿಗೆ ಕಾಣಿಸಿಕೊಂಡಿದ್ದರು.
Advertisement