ಸದ್ದಿಲ್ಲದೆ ನಿಶ್ಚಿತಾರ್ಥ ಮಾಡಿಕೊಂಡ್ರಾ ಪ್ರಿಯಾಂಕಾ ಚೋಪ್ರಾ?

ಹಾಲಿವುಡ್ ಮತ್ತು ಬಾಲಿವುಡ್ ನಲ್ಲಿ ಮಿಂಚು ಹರಿಸುತ್ತಿರುವ ನಟಿ ಪ್ರಿಯಾಂಕಾ ಚೋಪ್ರಾ ನಿನ್ನೆಯಷ್ಟೆ ಜಗತ್ತಿನ ಹಾಟೆಸ್ಟ್ ವುಮನ್ ಎಂಬ ಖ್ಯಾತಿಗೆ ಭಾಜನರಾಗಿದ್ದರು. ಆದರೆ ಇದೀಗ ಪ್ರಿಯಾಂಕಾರ ಮತ್ತೊಂದು ವಿಷಯ ಸಂಚಲನ ಮೂಡಿಸಿದೆ. 

ಪ್ರಿಯಾಂಕಾ ಚೋಪ್ರಾ ಅವರು ಹಾಲಿವುಡ್ ಸಿಂಗರ್ ನಿಕ್ ಜಾನ್ ಜೊತೆ ಡೇಟಿಂಗ್ ನಲ್ಲಿದ್ದು ಇಬ್ಬರು ಪರಸ್ಪರ ಸುತ್ತಿರುವ ಫೋಟೋಗಳು ಹರಿದಾಡುತ್ತಿವೆ. ಈ ಮಧ್ಯೆ ಅವರಿಬ್ಬರು ಸದ್ದಿಲ್ಲದೇ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿವೆ. 

ವಿದೇಶಗಳಲ್ಲೇ ತಿರುಗಾಡಿಕೊಂಡಿದ್ದ ಪ್ರಿಯಾಂಕಾ ಚೋಪ್ರಾ ಸದ್ಯ ನಿಕ್ ಅವರನ್ನು ಭಾರತಕ್ಕೂ ಕರೆತಂದಿದ್ದಾರೆ. ಇನ್ನು ಮುಕೇಶ್ ಅಂಬಾನಿ ಪುತ್ರ ಆಕಾಶ್ ಅಂಬಾನಿ ಮದುವೆ ಸಮಾರಂಭಗಳಲ್ಲಿ ಈ ಜೋಡಿ ಕಾಣಿಸಿಕೊಂಡಿದೆ. 

ಇನ್ನು ಕುತೂಹಲ ವಿಷಯವೆನೆಂದರೆ ಒಂದೇ ರಿಂಗ್ ಪ್ರಿಯಾಂಕಾ ಮತ್ತು ನಿಕ್ ಬೆರಳುಗಳಲ್ಲಿ ಕಾಣಿಸಿಕೊಂಡಿರುವುದು. ಒಂದೇ ದಿನ ಬೆಳಿಗ್ಗೆ ನಿಕ್ ಕೈ ಬೆರಳಲ್ಲಿ ಇದ್ದು ಉಂಗುರ ಮಧ್ಯಾಹ್ನದ ವೇಳೆಗೆ ಪ್ರಿಯಾಂಕಾ ಬೆರಳನ್ನು ಅಲಂಕರಿಸಿದೆ. ಇದರಿಂದ ಇಬ್ಬರೂ ಆನ್ ಅಫೀಶಿಯಲ್ ಆಗಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ.